Ցիտոմեգալովիրուս. բուժում

Ցիտոմեգալովիրուս. բուժում

Ընդհանուր առմամբ, առողջ երեխաների և չափահասների համար ցիտոմեգալովիրուսային վարակի բուժման կարիք չի առաջանում:

Եթե առողջ չափահաս մարդու մոտ զարգանում է ցիտոմեգլովիրուսային մոնոնուկլեոզ, սովորաբար վարակը նահանջում է առանց որևէ դեղամիջոցների:

Հակառակ վերոնշյալին, նորածինները և թուլացած իմունիտետով չափահասները բուժման կարիք ունեն, եթե նրանց մոտ զարգանում են ցիտոմեգալովիրուսային վարակի ախտանիշներ: Նման դեպքերում բուժման տեսակը կախված է ախտանիշներից և դրանց ծանրության աստիճանից:

Ցիտոմեգալովիրուսի բուժման ամենատարածված տեսակը հակավիրուսային դեղերն են, որոնք կարող են դանդաղեցնել վիրուսի կրկօրինակումը (ռեպրոդուկցիա) և բազմացումը, սակայն չեն կարող ոչնչացնել վիրուսները:

Բժիշկը նաև կարող է բուժում նշանակել՝ ուղղված ոչ այնքան վիրուսային վարակի, այլ որքան հնարավոր կամ զարգացած բարդությունների դեմ:

Հետազոտողները մշտապես ուսումնասիրում են նոր դեղեր և պատվաստանյութեր, որոնք ապագայում կկարողանան բուժել և կանխարգելել ցիտոմեգալովիրուսը:

Հոդվածը վերանայվել է՝ 31-03-2021