Շուտով մեր կայքում կգործարկվի օնլայն խորհրդատվության ծառայությունը
Մենք կպատրաստենք հատուկ էջ, որտեղ դուք կկարողանաք հրապարակել Ձեր հարցը կամ մտահոգությունը, իսկ մենք կփորձենք պատասխանել Ձեզ:
Կայքի մյուս այցելուներին տեսանելի կլինեն Ձեր հարցը և մեր պատասխանը՝ առանց Ձեր անձնական կամ այլ տվյալները գաղտնազերծելու:
Մեդեքսի օնլայն գործիքները թույլ են տալիս գնահատել Ձեր առողջության որոշ ցուցանիշներ:
Խնդրում ենք հաշվի առնել, որ դրանք չեն փոխարինում Ձեր բժշկին: Ուստի, առողջական խնդիրներ հայտնաբերելիս դիմեք Ձեր բժշկին, իսկ անհետաձգելի բուժօգնության կարիքի դեպքում առանց հետաձգելու զանգեք 1-03:
Դաշտանի ժամակ կորցրած արյան քանակը տարբեր կանանց համար կարող է լինել տարբեր:
Դաշտանային առատ արյունահոսությունը կարող է բացասաբար ազդել կնոջ հոգեկան և հուզական աշխարհի վրա՝ նրան պատճառելով ծանր սթրես:
Առատ դաշտանների համար դժվար է որևէ հստակ սահմանում տալ, սակայն, եթե դուք զգում եք, որ դաշտանի օրերին օգտագործում եք սովորականից ավելի շատ տամպոններ կամ հիգիենիկ միջադիրներ, կամ եթե արյունը արտահոսում է դրանց միջով և կեղտոտում ձեր ներքնաշորերը, ապա դա ամենայն հավանականությամբ առատ դաշտանի արդյունք է: Դաշտանի առատության մասին կարող են նաև վկայել այն դեպքերը, երբ դուք ստիպված եք լինում գիշերվա ընթացքում փոխել ձեր միջադիրը կամ երբ դաշտանը տևում է ավելի քան 7-8 օր:
Դուք պետք է այցելեք ձեր բժշկին, եթե առատ դաշտանները խոչընդոտում են ձեր առօրյա կյանքը: Ձեր բժիշկը կհետազոտի առատ դաշտանային արյունահոսության հնարավոր պատճառները՝ պարզելու, թե արդյոք ձեզ մոտ առկա՞ է նման իրավիճակի բերող որևէ լուրջ առողջական խնդիր:
Արյունը պարունակում է երկաթի բավարար քանակներ: Հենց այդ երկաթի շնորհիվ են արյան կարմիր գնդիկները (էրիթրոցիտները) իրենց հեմոգլոբինի միջոցով թթվածինը թոքերից տեղափոխում դեպի մյուս օրգանները: Ամեն ամիս կրկնվող առատ դաշտանները կարող են պակասեցնել ձեր օրգանիզմի երկաթի պաշարները, իսկ երկաթ-դեֆիցիտային վիճակը շարունակվելու դեպքում կարող է նաև զարգանալ սակավարյունություն (անեմիա):
Անեմիայի ամենահաճախ հանդիպող նշաններն են՝
Որոշ դեպքերում կարող են ի հայտ գալ նաև՝
Եթե ձեզ մոտ առկա են այս նշանները, անպայման կապ հաստատեք ձեր բժշկի հետ:
Առատ դաշտանի որոշ կանոնների պահպանումը կարող է օգտակար լինել:
Միջադիրները և սանիտարական այլ միջոցները փոխելիս հիգիենային հետևելը խիստ կարևոր է:
Անպայման լվացեք ձեր ձեռքերը նոր տամպոն կամ միջադիր տեղադնելուց առաջ և երկրորդ անգամ՝ դրանից հետո:
Հոգ տարեք, որ գիշերային քնից անմիջապես առաջ և առավոտյան արթնանալուց անմիջապես հետո փոխեք ձեր տամպոնը կամ միջադիրը: Տամպոնը նույն տեղում երկար ժամանակ պահելուց բարձրանում է տոքսիկ շոկային համախտանիշի ռիսկը:
Դաշտանի օրերին ձեզ սովորականից ավելի հանգիստ և պասիվ պահեք: Խուսափեք ֆիզիկական լարված գործերից և ավելի շատ ժամանակ հատկացրեք հանգիստ պայմաններում գտնվելուց:
Օրվա ընթացքում խմեք մեծ քանակներով ջուր:
Հոդվածը վերանայվել է՝ 12-05-2019
