Բարձր արյան գլյուկոզ (հիպերգլիկեմիա)

Բարձր արյան գլյուկոզ (հիպերգլիկեմիա)
Անգլերեն անվանումը՝ Hyperglycemia, High Blood Glucose

Հիպերգլիկեմիան արյան մեջ գլյուկոզի (շաքարի) մակարդակի նորման գերազանցող բարձրացումն է։

Արյան մեջ գլյուկոզի մակարդակի նորմայից բարձր դառնալու ամենահիմնական պատճառը դիաբետն է (շաքարախտ

Հիպերգլիկեմիայի պատճառները

Բարձր արյան գլյուկոզը կարող է զարգանալ տարբեր պատճառներից, այդ թվում՝

  • ձեր դիաբետի ամենօրյա դեղի հերթական դեղաչափի բաց թողում
  • սովորականից ավելի քիչ ֆիզիկապես ակտիվություն
  • սննդի միջոցով մեծ քանակով ածխաջրերի ընդունում, որոնցով հարուստ են քաղցրահամ մթերքները և ըմպելիքները, կարտոֆիլը, հացը և հրուշակեղենը
  • այլ հիվանդություններ, դրանց սրացում և դեղերի ընդունում
  • սթրեսային իրավիճակներ
  • վարակներ (օրինակ՝ կարմիր քամի, ցիստիտ, վերքային վարակներ)
  • մեծ քանակներով ալկոհոլային խմիչքների օգտագործում։

Հիպերգլիկեմիայի նշանները

Եթե ձեզ մոտ առկա է բարձր արյան գլյուկոզ, դուք կարող եք զգալ հետևյալը՝

Հիպերգլիկեմիայի բուժումը

Շատ կարևոր է, որ վերոնշյալ գանգատների ի հայտ գալու դեպքում նախաձեռնեք համապատասխան միջոցառումներ, այլապես հիպերգլիկեմիան կարող է բերել ծանր կոմատոզ վիճակի, որը կոչվում է դիաբետիկ կետոացիդոզ։

Ահա մի քանի քայլեր, որոնք կարող եք անել, եթե ձեր արյան գլյուկոզը սովորականից բարձր է՝

  • կտրվեք բոլոր գործերից և հանգիստ պառկեք
  • կապ հաստատեք ձեր բժշկի հետ և լսեք նրա խորհուրդները. չի բացառվում, որ նա առաջարկի դիաբետի դեմ ձեր դեղի դոզան փոփոխել կամ գուցե ինսուլինի արտահերթ դեղաչափի կարիք զգացվի (օրինակ՝ 2-4 միավոր ամեն 2 ժամը մեկ)
  • ստուգեք ձեր մեզում կետոնների (ացետոնի) առկայությունը սովորական մեզի սթրիփի միջոցով և արդյունքի մասին տեղեկացրեք ձեր բժշկին
  • ջրազրկումը դիմագրավելու համար խմեք մեծ քանակներով ջուր և շաքար կամ ալկոհոլ չպարունակող հեղուկներ, բայց խուսափեք կոֆեին պարունակող ըմպելիքներից (կոլա, սուրճ և այլն)
  • կանոնավոր կերպով ստուգեք ձեր արյան շաքարի մակարդակը՝ համոզվելու, որ այն նվազում է։

Ե՞րբ դիմել հիվանդանոց

Առանց ուշացնելու դիմեք ձեր բժշկին կամ հիվանդանոց, եթե՝

  • ի հայտ է գալիս փսխում, որը չի թողնում, որ դուք հեղուկներ ընդունեք և իր հերթին ավելի է խորացնում ջրազրկումը
  • ձեր արյան գլյուկոզը մնում է անսովոր բարձր թվերի վրա (կամ ավելի է բարձրանում)
  • ձեր մեզում ի հայտ են գալիս միջինից մինչև բարձր քանակության կետոններ։

Հոդվածը վերանայվել է՝ 12-06-2019