Ոտքի ցավ. ախտանիշներ

Ցավը որևէ վնասվածքի կամ հիվանդության ամենահաճախ հանդիպող ախտանիշներից է: Նույն կերպ, ստորին վերջույթը ներառող հիվանդությունները սովորաբար ուղեկցվում են թույլից մինչև սաստիկ ցավերով:

Սակայն որևէ առողջական խնդիրը կամ հիվանդությունն ախտորշելիս կարևոր է ոչ միայն ցավի տեղակայումը և բնույթը, այլ նաև այն, թե ինչպիսի՞ այլ երևույթներով է ուղեցվում կամ ի՞նչ գործոններ են սաստկացնում կամ մեղմացնում առկա ցավը:

Ոտքի ցավը կարող է ուղեկցվել հետևյալ գանգատներով կամ ախտանիշներով՝

• այտուցվածություն կամ ուռածություն
• երակների լայնացում (վարիկոզ երակներ)
• վերքեր կամ խոցեր
• մաշկային երևույթներ՝ կարմրություն, այտուցվածություն, տեղային տաքություն և այլ նշաններ:

Կարևոր է նաև, թե արդյոք ձեր ախտանիշները ներառում են մեկ, թե՞ երկու ոտքերը և արդյոք երկու ոտքերում առկա գանգատները և նշանները նո՞ւյնն են, թե՞ տարբերվում են:

Բոլոր դեպքերում, վերոնշյալ և այլ հարցերի ամենաճիշտ պատասխանը կարող է տալ ձեր բժիշկը կամ նրա ուղեգրմամբ՝ մեկ այլ մասնագետ (օրինակ՝ մաշկաբան, անոթաբան, վիրաբույժ, վնասվածքաբան):

Առանց հետաձգելու դիմեք ձեր բժշկին, եթե ոտքի ցավերն ուղեկցվում են այս նշաններով՝

• ձեր գանգատներն աստիճանաբար սաստկանում են
• ի հայտ են գալիս նոր գանգատներ ու նշաններ
• դուք խիստ անհանգստացած եք առկա ախտանիշներից
• դուք ունեք որևէ լուրջ քրոնիկ հիվանդություն:

Ոտքի շրջանի ցավերը և դրանց ուղեկցող գանգատները մեծամասամբ ինքնուրույն անհետանում են, սակայն որոշ դեպքերում առաջանում է վաղ ախտորոշման և բուժման անհրաժեշտություն: