Սթրես. կառավարում

Սթրես. կառավարում

Յուրաքանչյուր մարդ ժամանակ առ ժամանակ առնչվում է սթրեսային իրավիճակների հետ, ուստի սթրեսի վերահսկումն ու կառավարումը կարող են ներառել տարբեր ռազմավարություններ։

Ձեր անհատական առանձնահատկություններին և կարիքներին համապատասխանեցված մեթոդները զգալի կերպով կօգնեն, որ ավելի հեշտությամբ դիմագրավեք անցանկալի սթրեսը և անցնեք ձեր առօրյա կյանքին։

Սթրեսի վերահսկում

Առաջին քայլը սթրեսի դրդապատճառները (տրիգերներ կամ «սթրեսորներ») նույնականացնելն է, այսինքն, հասկանալը, թե ինչ գործոնի կամ իրավիճակի պատճառով եք դուք զգում հոգեկան լարվածություն։ Գտեք այն ահազանգող նշանները, որոնք վկայում են մոտալուտ անցանկալի սթրեսի առաջացման մասին՝ մկանային լարվածություն, դյուրագրգիռ վիճակ, հոգնածություն և այլն։

Սթրեսորի փոփոխություն

Որոշ սթրեսոսներ մեր վերահսկողությունից դուրս են, սակայն կան նաև սթրեսորներ, որոնք կարող են փոփոխվել։ Օրինակ, եթե ձեզ մոտ սթրես է առաջացում աշխատանքը, կարող եք փոփոխել ձեր աշխատաժամերը կամ աշխատանքային պարտականությունները։ Կամ, եթե արդեն լարված եք, կարող եք հետաձգել ձեր կյանքի մեծ իրադարձությունները, օրինակ՝ բնակարանը փոխելը։

Վարժանքներ

Կանոնավոր ֆիզիկական վարժանքները կարող են թուլացնել հոգեկան լարվածությունը, թուլացնել ուղեղը և կրճատել տագնապի զգացումը։

Ռելաքսացիա

Խորը շնչառական վարժությունները, մկանային ռելաքսացիայի վարժությունները, յոգան, մեդիտացիան և գիտակցվածությունը մեթոդներ են, որոնք կարող են թուլացնել ձեր մարմինը և կրճատել սթրեսը։

Բավարար ժամանակ հատկացրեք ընտանիքն և ընկերներին

Ձեզ սիրող ու ոգեշնչող մարդկանց միջավայրում գտնվելը, անձնական հակասությունները լուծելը և ձեր զգացմունքների մասին մտերմիկ զրույցը կարող են օգտակար լինել։

Հետևեք ձեր առողջությանը

Պահպանեք առողջ սննդակարգ, համոզվեք, որ ձեր քունը բավարար է և խուսափեք սթրեսը հաղթահարելու համար ալկոհոլ կամ թմրամիջոց օգտագործելուց։

Արեք գործերը հաճույքով

Եթե գործը կամ աշխատանքը ձեր սրտով չէ, առաջացնում է լրացուցիչ լարվածություն։ Փորձեք ցանկացած գործի մեջ գտնել ոչ թե պարտադրանք, այլ հետաքրքրություն և նոր հմտություններ սովորելու հնարավորություն։

Հոդվածը վերանայվել է՝ 25-04-2021