Խուճապային (պանիկ) խանգարում

Խուճապային (պանիկ) խանգարում
Անգլերեն անվանումը՝ Panic Disorder

Խուճապային խանգարումը հոգեկան առողջության խնդիր է, որի ժամանակ զարգանում են բազմաթիվ խուճապի նոպաներ, որոնք ազդում են հիվանդի կյանքի վրա։

Ի՞նչ է խուճապի նոպան

Խուճապի նոպան («գրոհ») ձեր օգանիզմի պատասխանն է սթրեսային իրավիճակին, որը բերում է նրան, որ մարդը կորցնում է ինքնակառավարումը։

Եթե դուք ունեք խուճապի նոպա, դուք կարող եք զգալ, թե ինչպես է «մոտալուտ վտանգից» ձեր սիրտը «թպրտում», ամբողջ մարմնով անցում ներքին տաք հոսանք և կրծքավանդակի շրջանում առաջանում ցավեր։ Խուճապի ընթացքում դուք կարող եք քրտնել, դողալ, զգալ օդի պակաս և շնչահեղձություն, ունենաք գլխապտույտ կամ նույնիսկ ուշագնաց լինեք։

Երբեմն խիստ դժվար է հասկանալ, թե արդյոք նման վիճակը խուճապի՞, թե՞ սրտային նոպա է։

Ինչպե՞ս է խուճապի նոպան տարբերվում խուճապի խանգարումից

Խուճապի խանգարման ժամանակ դուք ունենում եք ոչ թե հազվադեպ, այլ բազմաթիվ խուճապի նոպաներ։ Խուճապի խանգարման ժամանակ դուք նոպաներից դուրս գտնվում եք հաջորդ նոպան սկսվելու վերաբերյալ մշտական սպասման և վախի մեջ։ Նման իրավիճակն ազդում է ձեր առօրյա կյանքի և աշխատանքի, հարաբերությունների և շփումների վրա։

Խուճապային խանգարման բուժումը

Եթե ձեզ մոտ առկա է խուճապային խանգարում, օգտակար կլինի իմանալ այս երկու փաստերի մասին՝

  • ամենայն հավանականությամբ ձեր կյանքին սպառնացող որևէ վտանգ գոյություն չունի
  • հիվանդության ախտանիշները որքան էլ տանջալի լինեն, ավարտվելու են։

Խուճապային հիվանդության բուժման մեջ շատ կարևոր է ինքնահսկման որոշ հմտություններ սովորելը և կիրառելը։ Ավելի սառը դատելուն կարող են օգնել հետևյալ մեթոդները՝

  • կոգնիտիվ վարքագծային բուժում
  • «թուլացման» (ռելաքսացիայի) մեթոդներ
  • շնչառական վարժություններ
  • մեդիտացիա
  • բժշկի նշանակմամբ՝ դեղորայքային բուժում։

Հոդվածը վերանայվել է՝ 10-05-2019