Սթրեսը նվազեցնող մոտեցումներ

Կան օրգանիզմը հոգեպես և ֆիզիկապես հյուծող սթրեսի կանխարգելման և հաղթահարման տարբեր ուղղություններ։

Սթրեսը նվազեցնող մոտեցումներից առավել արդյունավետները ներկայացվում են ստորև։

• Վարժանքներ․ կանոնավոր վարժանքը կարող է մեղմացնել ներքին լարվածությունը, «թուլացնել» ուղեղը և կրճատել անհանգստության ու տագնապի զգացումները։
• Ժամանակի կառավարում․ նախապես գործերի պլանավորումը կարող է նվազեցնել սթրեսի հասցնող խառնաշփոթ վիճակն ու քաոսը։
• Ընկերներին և ընտանիքին ժամանակի տրամադրում․ լինելով այն մարդկանց շրջապատում, ում դուք հարգում և սիրում եք, զրուցելով նրանց հետ ձեր ընթացիկ խնդիրների ու զգացումների մասին կարող են լինել բավականին օգտակար։
• Հոգ տարեք ձեր առողջության մասին․ պահպանեք առողջ սննդակարգ, համոզվեք, որ ձեր քունը բավարար է և խուսափեք ձեր հոգեկան գերլարված վիճակն ալկոհոլով և թմրամիջոցներով «բուժելուց»։
• Արեք գործեր, որոնցից հաճույք եք ստանում․ սիրելի զբաղմունքով զբաղվելը թուլացնում է ձեր ուղեղը և մարմինը:
• Փոփոխե՛ք ձեր մտքերը․ որոշ դեպքերում սթրեսն ավելի շատ կապված է մեր ընկալումների ու վերաբերմունքների, քան բուն իրավիճակի հետ։ Ձեր անիրատեսական ակնկալիքները կարող են դառնալ սթրեսի աղբյուր։ Փորձեք ձեր բացասական մտքերը փոխարինել դրականով։
• Կոգնիտիվ-վարքաբանական թերապիա (ԿՎԹ)․ ԿՎԹ-ն հգեթերապևտիկ մեթոդ է, որի էությունը սթրեսից տուժած մարդու մտածողության բնույթը փոխելն է։