Լաբորատոր հետազոտության ընդհանուր կանոններ

Լաբորատոր հետազոտությունից առաջ պետք է պահպանել մի շարք կանոններ, որոնք կերաշխավորեն ստացված արդյունքների առավելագույնս ճշգրտությունը:

  • Արյան հետազոտությունների մեծ մասի համար քաղցած լինելը պարտադիր է։ Սա նշանակում է, որ մինչև անալիզը հանձնելը վերջին անգամ դուք պետք է սնունդ ընդունեք լաբորատորիա այցելելուց առնվազն 8-12 ժամ առաջ։ Այս ընթացքում ջուր կարող եք խմել սովորական ռեժիմով: Լաբորատոր հետազոտության համար լավագույն ժամը առավոտյան 09:00-11:00 շրջակայքն է, երբ դուք հոգնած չեք և կարող եք արյունը հանձնելուց հետո նախաճաշել։
  • Լաբորատորիա այցելելու նախորդ օրը խուսափեք սովորականից ավելի շատ սնունդ ընդունելուց, ալկոհոլային խմիչք օգտագործելուց և ֆիզիկական գերծանրաբեռնվածությունից։
  • Եթե դուք դեղեր եք ընդունում, անպայման խորհրդակցեք ձեր բժշկի հետ, թե արդյոք պե՞տք է տվյալ հետազոտությունից առաջ դադարեցնել դրանց ընդունումը:
  • Եթե դուք ծխող եք, ապա հիշեք, որ արյունը հանձնելուց առաջ առնվազն մի քանի ժամ պետք է դադարեցնել ծխելը:
  • Լաբորատորիա այցելելուց հետո, հատկապես, եթե ճանապարհին հոգնել եք, ցանկալի է սպասասրահում նստել և հանգստանալ 10-15 րոպե:
  • Հիշեք, որ ցանկալի չէ լաբորատոր հետազոտության համար արյուն հանձնել ֆիզիոթերապևտիկ, գործիքային կամ որևէ այլ միջամտություններից անմիջապես հետո: Նման դեպքերում խորհրդակցեք ձեր բուժող բժշկի հետ՝ նախատեսելու հետազոտության օրը:
  • Եթե արյունը հանձնում եք կրկնակի անգամներ, որպեսզի վերահսկեք որևէ ցուցանիշի տատանումները, ապա ցանկալի է արյունը հանձնել նույն լաբորատորիայում և օրվա նույն ժամին:
  • Որոշ հետազոտություններ ունեն հատուկ պահանջներ և ժամկետներ, որոնց մասին ձեզ կտեղեկացնի ձեր բուժող բժիշկը:

Մեզը հանձնելու նախորդ օրը

  • Մի ընդունեք ալկոհոլային խմիչքներ, այդ թվում` նաև թույլ ոգելից խմիչքներ (գարեջուր)
  • Մի ընդունեք այնպիսի մրգեր կամ բանջարեղեններ, որոնք կարող են գունավորել մեզը՝ փոփոխելով վերջինիս բնական գույնը (օրինակ՝ ճակնդեղ, բազուկ, գազար և այլն):
  • Խորհուրդ չի տրվում ընդունել միզամուղներ: Նման դեպքերում խորհրդակցեք այդ միզամուղները նշանակած բժշկի հետ՝ մեկ օրով դրանց ընդունումը դադարեցնելու նպատակահարմարության մասին

Նմուշառման պահանջներ

  • Մեզի նմուշը հավաքեք միանգամյա օգտագործման ստերիլ ամանում (տարայում, որը կարող եք գնել դեղատնից):
  • Մեզի նմուշը հավաքելուց անմիջապես առաջ լվացեք ձեր սեռական օրգանները:
  • Եթե դուք կին եք, ապա պետք չէ մեզի անալիզը հանձնել դաշտանի փուլում:
  • Մեզի անալիզի համար հավաքեք առավոտյան մեզի միջին բաժինները՝ մոտ 50 մլ ծավալով:
  • Մեզը հավաքելուց հետո անմիջապես փակեք ամանի կափարիչը։
  • Ցանկալի է, որպեսզի մեզի տարայի պիտակին գրվի ձեր անուն-ազգանունը, տարիքը և մեզը հավաքելու ամսաթիվը և ժամը։
  • Ձեր մեզի նմուշը առանց ուշացնելու տեղափոխեք լաբորատորիա։ Հակառակ դեպքում պահպանեք այն սառը պայմաններում (+2 մինչև +8°С):

Ընդհանուր պահանջներ

  • Կղանքի նմուշառումը և հետազոտությունը պետք է կատարվի հակաբիոտիկներով, հակաբակտերիալ կամ հակասնկային դեղերով բուժումը սկսելուց առաջ (և ոչ թե նման բուժումը սկսելուց հետո):
  • Կղանքի նմուշառումը պետք է կատարվի հիվանդության վաղ փուլերում:
  • Կղանքի նմուշառումը պետք է կատարվի ստերիլ պայմաններում (մեկանգամյա օգտագործման ստերիլ նյութեր՝ պետքանոթ, փորձանոթ, շպատել, գդալիկ և այլն):
  • Մինչև նմուշառումը և դրանից հետո անհրաժեշտ է գոլ օճառաջրով լավ լվանալ ձեռքերը:

Նմուշառման պահանջներ

  • Հետազոտության համար համար պիտանի է միայն նոր արտաթորված կղանքը:
  • Կղանքի նմուշառումը կատարվում է նախապես մանրէազերծած և տաք ջրով լավ պարզաջրված պետքանոթից (սուդնո, սավան և այլն):
  • Կղանքի նմուշը պետք վերցնել ստերիլ մեկանգամյա օգտագործման շպատելով կամ գդալիկով:
  • Կղանքը պետք է նմուշառել ստերիլ մեկանգամյա օգտագործման տարայի մեջ, որից անմիջապես հետո պետք է զգուշությամբ կիպ փակել կափարիչը:
  • Նմուշառված կղանքը պետք է լաբորատորիա տանել հնարավորինս արագ՝ վերցնելուց հետո ոչ ուշ քան 1 ժամվա ընթացքում: Հակառակ պարագայում նմուշը պետք է պահել սառնարանային (ո՛չ սառցարանային) պայմաններում (2-6°С, ոչ ավելի քան 24 ժամ): Սակայն արդյունքների հավաստիությունն էապես բարձրանում է, եթե հետազոտվում է նոր-արտաթորված կղանքը:

Չի՛ թույլատրվում

  • սառեցնել կենսանմուշը (պահելով այն սառցարանում)
  • երկարատև պահպանել կենսանմուշը (ավելի քան 5-6 ժամ)
  • պահել կղանքի նմուշը ոչ կիպ փակված ամանում
  • լաբորատորիա բերել նախորդ օրը վերցված կղանքի նմուշը:
  • Սերմնահեղուկը հանձնեք սեռական հարաբերություններից զերծ մնալուց ոչ շուտ, քան 48 ժամ և ոչ ուշ, քան 7-օրյա ժամկետում:
  • Այս ընթացքում զերծ մնացեք ալկոհոլային խմիչքներ օգտագործելուց, շոգեբաղնիքներ այցելելուց, ֆիզիոթերապևտիկ տեղային միջոցառումներից:
  • Սերմնահեղուկը հավաքեք դեղատնից գնված ստերիլ միանգամյա օգտագործման ամանում՝ զերծ մնալով պահպանակի օգտագործումից:
  • Հիշեք, որ սերմի հետազոտության համար պիտանի է ոչ ուշ, քան 1 ժամ առաջ ստացված սերմնահեղուկը:
  • Մինչև լաբորատորիա տեղափոխելը կենսանմուշը պետք է պահպանել տաք՝ +27° մինչև +37°С պայմաններում:

Մինչև լաբորատորիա գնալը (կանայք և տղամարդիկ)

  • Հետազոտությունից առնվազն 1-2 օր առաջ զերծ մնալ սեռական հարաբերություններից:
  • Հետազոտության նախորդող օրը երեկոյան զերծ մնալ լոգանք ընդունելուց:
  • Հետազոտության նախորդ և բուն հետազոտության օրը չիրականացնել սեռ. օրգանների լվացում:
  • Հետազոտության ներկայանալու օրն առավոտյան չմիզել՝ քսուքը վերցնելուց առնվազն 2-3 ժամ առաջ:

Լաբորատորիայում (տղամարդիկ)

  • Հանվել՝ լիարժեքորեն մերկացնելով սեռ. օրգանները:
  • Ձախ ձեռքով զգուշությամբ ետ քաշել առնանդամի գլխիկի վրայի մաշկն այնպես, որ գլխիկը լիարժեք բացվի:
  • Քսուքի համար Ձեզ տրված առարկայական ապակին վերցնել աջ ձեռքով ու պահել՝ մատներով բռնելով ապակու կողային («սուր») մակերեսները՝ առանց հպվելու հարթ մակերևույթին:
  • Աջ ձեռքով առարկայական ապակու հարթ մակերեսը պինդ հպել առնանդամի բացված գլխիկի ու միզուկի բացվածքի լորձաթաղանթին այնպես, որ ապակու այդ մակերևույթին ի հայտ գա տեսանելի «դրոշմ» կամ արտադրուկ:
  • Նմուշառված ապակին զգուշությամբ տեղադրել Ձեզ տրամադրված տարայի մեջ:
  • Լվանալ ձեռքերը օճառաջրով: