Մանկական ուղեղի ուռուցքներ - Ախտանիշներ

Երեխաների մոտ գլխուղեղի ուռուցքները դրսևորում են որոշակի առանձնահատկություններ:

Նորածինների և մանկահասակ տարիքի երեխաների մոտ բժիշկը ստիպված է գլխուղեղի որևէ ուռուցքի առկայության մասին կասկածել՝ ելնելով միայն արտաքին (օբյեկտիվ) դրսևորումներից, իսկ ավելի մեծ տարիքի երեխաները հաճախ չեն կարողանում հստակ նկարագրել իրենց գանգատները: Դեռահաս տարիքի երեխաների մոտ կարող են ի հայտ գալ սեռահասունացման հետ կապված խնդիրներ:

Մինչև 5 տարեկան երեխաներ

Գլխուղեղի ուռուցքների ավելի հաճախ հանդիպող ախտանիշներն են՝

• մշտական և կայուն փսխումներ
• ոչ նորմալ հավասարակշռություն, քայլք կամ կորդինացիա
• աչքերի ոչ նորմալ շարժումներ
• վարքային փոփոխություններ, մասնավորապես, քնկոտություն
• տենդի հետ կապ չունեցող ցնցումներ կամ մկանային ջղաձգումներ
• գլխի անսովոր և թեք դիրք, պարանոցի կարկամություն (ձգվածություն):

5-11 տարեկան երեխաներ

Տարիքային այս խմբում գլխուղեղի ուռուցքները հաճախ սկսվում են հետևյալ ախտանիշներով՝

• մշտական և կայուն փսխումներ
• մշտական և կայուն գլխացավեր
• ոչ նորմալ հավասարակշռություն, քայլք կամ կորդինացիա
• աչքերի ոչ նորմալ շարժումներ
• վարքային փոփոխություններ
• ցնցումներ կամ մկանային ջղաձգումներ
• գլխի անսովոր և թեք դիրք, պարանոցի կարկամություն (ձգվածություն):

12-18 տարեկան դեռահասներ

Երեխաների սեռահասունացման շրջանում առավել բնորոշ են հետևյալ ախտանիշները՝

• մշտական և կայուն փսխումներ
• մշտական և կայուն գլխացավեր
• աչքերի ոչ նորմալ շարժումներ
• մշուշոտ տեսողություն կամ երկտեսություն (դիպլոպիա)
• ոչ նորմալ հավասարակշռություն, քայլք կամ կորդինացիա
• վարքային փոփոխություններ
• ցնցումներ կամ մկանային ջղաձգումներ
• սեռահասունացման դանդաղում կամ դադարում:

Լրացուցիչ ախտանիշներ

Այս ախտանիշները նույնպես կարող են հուշել գլխուղեղային հնարավոր հիվանդության առկայության մասին՝

• գիտակցության խանգարումներ
• ոչ շաքարային դիաբետ (մշտական ծարավ և մեծ քանակով հեղուկների ընդունում և առատ միզարձակում)
• աճի խանգարումներ: