Հազը երեխաների մոտ

Հազը երեխաների մոտ

Մանկահասակ երեխաների մոտ հազը շատ տարածված երևույթ է, որը կարող է ի հայտ գալ առանձին կամ ուղեկցել մեկ այլ ակնհայտ առողջական խնդրին։

Օրինակ, երեխան կարող է հազալ ընդհանուր մրսածության ժամանակ, որը բժշկական փաստաթղթերում գրանցվում է որպես «սուր շնչառական վիրուսային վարակ» (ՍՇՎՎ, ռուսերեն՝ ОРВИ): Հազով, ըմպանաբորբով (ֆարինգիտ) և գրիպանման այլ նշաններով կարող են սկսվել նաև երեխայի միջին ականջի վարակային բորբոքումները (օտիտներ)։ Այլ դեպքերում դուք գուցե չկարողանաք նշել երեխայի հազի հստակ պատճառը։

Իրականում հազը պաշտպանական ռեֆլեքս է և մաքրում է մեր շնչուղիները լորձից և այլ արտադրուկներից։ Սակայն հազը նաև տարբեր հիվանդությունների ախտանիշներից մեկն է։

Հազը մանկահասակ երեխաների մոտ

Երեխաների մոտ հազի ամենահաճախ հանդիպող պատճառն ընդհանուր մրսածությունն է։ Սովորաբար մրսածության ախտանիշների բարելավմանը զուգահեռ երեխայի հազն առանց որևէ առանձնահատուկ բուժման ինքնուրույն մեղմանում է։ Սակայն, որոշ դեպքերում այն կարող է «կայունանալ» և երեխային անհանգստացնել նաև մրսածության լավացումից օրեր և շաբաթներ անց։

Եթե ձեր երեխան նորմալ սնվում ու հեղուկներ է ընդունում, նրա շնչառությունը նորմալ է և չի ուղեկցվում կողքից լսվող խզզոցներով, ապա հատուկ միջոցներ ձեռնարկելու և անհանգստանալու կարիք չկա։ Հակառակ դեպքում, եթե երեխայի հազն անհանգստացնող է կամ ժամանակի ընթացքում չի մեղմանում, ապա ճիշտ կլինի դիմել ձեր բժշկի օգնությանը։

Երեխաների մոտ հատուկ ուշադրության արժանի «լուրջ» հազի պատճառ կարող է հանդիսանալ այս հիվանդություններից մեկնումեկը՝

Մանկական տարիքում հատուկ ուշադրություն պետք է դարձնել այն դեպքերին, երբ հազը՝

  • ուղեկցվում է բարձր ջերմությամբ
  • կայուն է (տևում է ավելի քան 2 շաբաթ) կամ անսովոր է
  • ուղեկցվում է շնչարգելությամբ և հևոցով
  • ի հայտ է գալիս գիշերային ժամերին
  • ուղեկցվում է երեխայի արտահայտված թուլությամբ, անտարբերությամբ կամ անհարմարավետությամբ (դիսկոմֆորտ)
  • ուղեկցվում է երեխայի մաշկի գույնի փոփոխությամբ՝ գունատություն կամ կապտավուն երանգ։

Անկախ օրվա ժամից, անհապաղ դիմեք ձեր բժշկին կամ զանգեք 1-03 և կանչեք շտապբուժօգնություն, եթե ձեր երեխայի մոտ առաջանում են վերոնշյալ նշաններից մեկնումեկը։

Հոդվածը վերանայվել է՝ 27-05-2020