Գեներալիզացված տագնապային խանգարում -

Գեներալիզացված տագնապային խանգարումը (ԳՏԽ) տագնապային խանգարման տեսակ է, որի ժամանակ մարդիկ ունեն անկառավարելի տագնապ և անհանգստություններ, որոնք ազդում են նրանց առօրյա կյանքի վրա։

ԳՏԽ-ն ազդում է մարդու կյանքի ամենատարբեր իրադարձությունների և սեփական գործունեության վրա։ Ընդ որում, անհիմն տագնապներն անկառավարելի են, որը տագնապային խանգարման այս տեսակի կարևոր կլինիկական բնորոշ գիծն է:

ԳՏԽ ախտանիշները

Ձեզ մատ կարող է լինել ԳՏԽ, եթե՝

• դուք ժամանակի մեծ մասն անկառավարելի կերպով անհանգստանում եք բազմաթիվ տարբեր բաների համար
• դուք դժվարանում եք դադարեցնել կամ մեղմացնել ձեր անհանգստությունները
• ձեր անհանգստությունը և տագնապը դժվարացնում են ամենօրյա գործերով զբաղվելը, օրինակ՝ աշխատելը կամ ընկերներին հանդիպելը
• դուք հաճախ հոգնածություն եք զգում, բայց չեք կարողանում քնել
• դուք մշտապես զգում եք լարվածություն կամ անհանգիստ եք
• դուք ունեք արագացած սրտխփոց կամ ձեր բերանը չորանում է
• դուք դժվարությամբ եք կենտրոնացնում ձեր ուշադրությունը
• դուք դյուրագիգիռ եք
• դուք ունեք քնելու հետ կապված խնդիրներ
• ձեր ծնոտը կամ թիկունքը ցավում է՝ կապված մկանային լարվածության հետ։

ԳՏԽ բուժումը

Եթե մշտապես զգում եք անհանգստություն և տագնապ, առաջին քայլը ձեր բժշկին կամ հոգեկան առողջության մասնագետին հանդիպելն է։ Տագնապային խանգարումները բուժելի են։ Ձեզ կարող են առաջարկել օժանդակող հոգեբանական բուժում կամ ծանր դեպքերում՝ նաև դեղեր։