Հերոինը և հոգեկան առողջությունը

1 րոպե

Հերոինը քնաբեր կակաչից ստացվող կիսասինթետիկ թմրամիջոց է, որն առաջացնում է դժվարությամբ հաղթահարվող և հզոր հակում ու կախվածություն:

Հերոինի օգտագործումը կապված է հոգեկան առողջության և սոցիալական բնույթի տարբեր խնդիրների հետ, ինչպիսիք են դեպրեսիան, ֆինանսական, աշխատանքային և իրավական դժվարությունները: Հերոինի և այլ թմրամիջոցների միաժամանակյա օգտագործումը կարող է դառնալ խիստ վտանգավոր:

Հերոինը սովորաբար ներարկվում է երակի մեջ, սակայն կարող է նաև օգտագործվել ծխելու կամ քիթը ներքաշելու միջոցով:

Հերոինի օգտագործման ազդեցությունները

Հերոինն ունի ընկճող ազդեցություն և դանդաղեցնում է դեպի գլխուղեղ և հակառակ ուղղությամբ նյարդային ազդանշանների փոխանցումը: Այն կարող է առաջացնել բավարարվածության, քնկոտության և թուլության զգացումներ: Հերոինը նաև բթացնում է ֆիզիկական կամ հոգեբանական ցավը: Առանձնապես վտանգավոր է այս թմրամիջոցի շնչառությունն ընկճող ազդեցությունը:

Հերոինի պարբերաբար օգտագործումը բարձրացնում է հոգեկան առողջության խնդիրների զարգացման ռիսկը, օրինակ՝

• հոգեբանական կախվածություն, երբ ձեր մտքերը և հույզերը կենտրոնացած են թմրամիջոցի վրա
• շփոթվածություն
• տրամադրության շեղումներ, դեպրեսիա և անհանգստություն:

Կանոնավոր կերպով հերոին օգտագործող մարդկանց մոտ զարգանում են նաև՝

• սեփական առողջության անտեսում
• ֆինանսական խնդիրներ, որը պայմանավորված է նաև ապօրինի թմրամիջոց գնելով
• խնդիրներ փոխհարաբերություններում և շփումներում
• աշխատանքային պարտականությունների կամ առաջադրանքների կատարման հետ կապված խնդիրներ
• գերդոզավորման խնդիրներ՝ պատահական կամ գիտակցաբար
• վարակների ռիսկի բարձրացում, ինչպիսիք են հեպատիտ B-ն, հեպատիտ C-ն և ՄԻԱՎ-ը
• ֆիզիկական (մարմնական) հիվանդություններ
• իրավական խնդիրներ: