Ինհալանտները քիմիական նյութեր են, որոնք սենյակային ջերմաստիճանում առաջացնում են գոլորշիներ կամ ցնդում են:
Որոշ մարդիկ ներշնչում են այս նյութերի գոլորշիները, որպեսզի զգան «վերելքի» հաճելի զգացում, որը երբեմն նմանվում է ալկոհոլի կամ մարիխուանայի նմանատիպ ազդեցությանը:
Ինհալանտներ կան արդյունաբերական, բժշկական և կենցաղային տեխնիկական բնույթի տարբեր արտադրանքներում, օրինակ՝ լուծիչներ կամ այլ նյութեր, որոնք հեշտությամբ գոլորշանում են:
Գոյություն չունի ինհալանտի օգտագործման անվտանգ չափ: Ինհալանտների ազդեցությունը դառնում է խիստ անկանխատեսելի ու վտանգավոր, երբ օգտագործվում է այլ թմրամիջոցների կամ դեղերի հետ միասին: Ինհալանտների օգտագործման դադարեցումը նույնպես դժվար գործընթաց է, քանի որ մարդիկ զգում են 1-2 օր անց սկսվող և մինչև 5 օր տևող ծանր զրկանքի ախտանիշներ:
Ծանր ազդեցություններ և գերդոզավորում
Ինհալանտային գերդոզավորման նշաններից են՝
- անկանոն սրտազարկ
- կրծքավանդակի շրջանի ցավեր
- սրտխառնոց, փսխում և փորլուծություն
- ցնորքներ (հալյուցինացիաներ)
- ապակողմնորոշում
- արյունալցված աչքեր
- բարձրացած ինքնավստահություն
- կոմա, գիտակցության մթագնում կամ ցնցումներ
- մահ:
Եթե դուք անհանգստացած եք, որ ինհալանտ օգտագործած ինչ-որ մեկի մոտ զարգացել են ծանր ազդեցություններ կամ գերդոզավորում, անհապաղ զանգեք 1-03 և կանչեք շտապ օգնություն:
Հոդվածը հրապարակվել է՝ 23-05-2019
Վերջին վերանայում՝ 31-07-2024