Միջերկրածովյան սննդակարգն առողջ սնվելու ծրագիր է, որն առանձնահատուկ տեղ է տալիս բուսական սննդամթերքներին և ներառում է տարածաշրջանի ավանդական համերն ու պատրաստման եղանակները:
Եթե փնտրում եք սրտի համար առողջ սնվելու ծրագիր, միջերկրածովյան սննդակարգը կարող է ճիշտ լինել ձեզ համար: Դա ավելի շուտ ոչ թե սննդակարգ է՝ ուտելու սահմանափակ ձև, այլ ապրելակերպ: Այն միահյուսում է առողջ սնվելու հիմունքները միջերկրածովյան տարածաշրջանի մարդկանց ավանդական համերի և պատրաստման եղանակների հետ:
Ինչո՞ւ ընտրել միջերկրածովյան սննդակարգ
Հայտնի է, որ սննդակարգն ազդում է երկարաժամկետ՝ քրոնիկ հիվանդությունների վրա։ Դրանցից են սրտի և արյունատար անոթների հետ կապված խնդիրները, որոնք հայտնի են որպես սրտանոթային հիվանդություն: 1960-ականներին կատարված հետազոտության վերլուծությունները ցույց են տվել, որ սրտանոթային հիվանդությունը կապված են ավելի ցածր մահացության հետ միջերկրածովյան որոշ երկրներում, ինչպիսիք են Հունաստանը և Իտալիան, քան ԱՄՆ-ում և Հյուսիսային Եվրոպայում։
Ավելի վերջին հետազոտությունները միջերկրածովյան սննդակարգը կապել են սրտային հիվանդության ռիսկի ավելի ցածր գործոնների հետ, ինչպիսիք են բարձր խոլեստերինը և բարձր արյան ճնշումը: Այսօր միջերկրածովյան սննդակարգը համարվում է առողջ սնվելու ծրագրերից մեկը, որը նաև ճանաչվել է Առողջապահության համաշխարհային կազմակերպության կողմից որպես առողջ սնման տարբերակ:
Ի՞նչ է միջերկրածովյան սննդակարգը
Միջերկրածովյան սննդակարգը սնվելու միջոց է, որը հիմնված է Միջերկրական ծովի սահմանակից երկրների ավանդական խոհանոցի վրա: Այս սննդակարգի եզակի սահմանում չկա: Բայց առավել հաճախ, այն սահմանվում է որպես սննդակարգ, որը պարունակում է հետևյալ մթերքների բարձր չափաբաժիններ՝
- բանջարեղեններ
- մրգեր
- ամբողջահատիկավորներ
- ոլոռազգիներ
- ընդեղեն և սերմեր
- ձիթապտղի ձեթ
- բուսական և այլ համեմունքներ:
Այս սննդակարգի հիմնական քայլներն են՝
- ամեն օր օգտագործեք բանջարեղեն, մրգեր, ամբողջահատիկ ձավարեղեն և բուսական ծագման յուղեր (ձեթեր)
- ամեն շաբաթ կերեք յուղոտ ձուկ, թռչնամիս, լոբի, հատիկաընդավորներ և ձու
- վայելեք կաթնամթերքի չափավոր չափաբաժիններ
- սահմանափակեք կարմիր (անճարպ) մսի չափաբաժինը
- սահմանափակեք շաքարի ավելացված քանակով մթերքների քանակը:
Միջերկրածովյան սննդակարգի այլ որոշ տարրերից են՝
- վայելեք ձեր կերակուրներն ընտանիքի անդամների և ընկերների հետ
- կանոնավոր վարժանքներ արեք
- եթե օգտագործում եք, ապա փորձեք գինու փոքր քանակներ:
Հոդվածը հրապարակվել է՝ 23-04-2018
Վերջին վերանայում՝ 27-04-2024