Արտաքին սեռական օրգանների վնասվածքը կարող է առաջացնել սաստիկ ցավ և առատ արյունահոսություն:
Եթե կարծում եք, որ ունեք հեշտոցի վնասվածք, ապա հետևեք հետևյալ քայլերին՝ մինչև ձեր բժշկին այցելելը:
- Բաց վերքերը ծածկեք մաքուր կտորով կամ ստերիլ վիրակապով:
- Եթե հեշտոցի շրջանը ցավոտ և այտուցված է, փորձեք այդ տեղում դնել սառը թրջոց կամ սառցապարկ (փաթաթված մաքուր սրբիչով, ցանկալի է՝ ստերիլ վիրակապով): Սառցեպարկը թողեք այդ շրջանում ոչ ավելի, քան 30 րոպե:
- Մինչև վնասված շրջանին հպվելը կամ մաքրելն օճառաջրով լավ լվացեք ձեր ձեռքերը:
- Խուսափեք ցավոտ կամ այտուցված շրջանը սեղմող կիպ ներքնահագուստ կամ հագուստ կրելուց:
- Եթե ձեր հեշտոցում կամ վերքի շրջանում առկա է օտար մարմին, մի՛ փորձեք ինքնուրույն հեռացնել այն՝ մինչև բժշկական օգնության դիմելը:
- Առանց հապաղելու դիմեք ձեր բժշկին, եթե ունեք դժվարամիզություն կամ արյունամիզություն:
- Բժշկին այցելելուց առաջ վնասված շրջանը ծածկեք ստերիլ վիրակապով:
Եթե հեշտոցի վնասվածքից հետո զարգացել է առատ արյունահոսություն կամ զգում եք, որ ձեր գիտակցությունը մթագնվում է կամ առկա է խիստ թուլություն, անհապաղ զանգեք 1-03 և կանչեք շտապ օգնություն:
Հոդվածը հրապարակվել է՝ 19-06-2019
Վերջին վերանայում՝ 30-04-2024