Վիտամին E (տոկոֆերոլ)

Վիտամին E (տոկոֆերոլ)

Վիտամին E-ն կարևոր նշանակություն ունի մեր օրգանիզմի բազմաթիվ օրգան-հյուսվածքների պատշաճ գործունեության համար։

Այն օգնում է ձեր մաշկի առողջ վիճակի ու լավ տեսողության պահպանմանը և իմունային համակարգի պատշաճ գործունեությանը։ Վիտամին E-ն մասնակցում է նաև գլխուղեղի և վերարտադրողական առողջության տարբեր գործընթացներին։

Վիտամին E-ի օրական պահանջարկը չափահաս մարդկանց համար կազմում է օրական 15 միլիգրամ (մգ)։ Վիտամին E-ի դեֆիցիտը (պակաս) կարող է առաջացնել նյարդային ցավ (նեյրոպաթիա

Վիտամին E-ն ճարպալուծ է, և օրգանիզմում պահեստավորվում է լյարդում և ճարպային հյուսվածքում։

Վիտամին E-ն նաև հակաօքսիդանտ է, որը կարող է օգնել ազատ ռադիկալներից ձեր բջիջների և հյուսվածքների պաշտպանությանը։ Ազատ ռադիկալներն առաջանում են, երբ ձեր օրգանիզմը յուրացնում է սննդամթերքները կամ ենթարկվում է ծխախոտի ծխի և ճառագայթման ազդեցությանը։ Ազատ ռադիկալները կարող է են որոշակի դեր ունենալ սրտանոթային հիվանդությունների, քաղցկեղի և այլ հիվանդությունների զարգացման մեջ։ Այնուամենայնիվ, հիշեք, որ երբ դուք ստանում եք վիտամին E-ի հավելում իր հակաօքսիդանտային հատկության համար, այն կարող է չունենալ նույն օգուտները, ինչ բնական վիտամին E-ի դեպքում է։

Վիտամին E-ի լավ աղբյուրներ են հանդիսանում բանջարեղենային ձեթերը, մարգարինը, ընկույզները, նուշը և գետնանուշը (արախիս)։ Դուք կարող եք վիտամին E ստանալ նաև մսի, կաթի, կանաչ տերևավոր բանջարեղենների և հարստացված հատիկային սննդամթերքների միջոցով։

Մարդկանց մեծ մասը չունի վիտամին E-ի հավելումներ ստանալու կարիք։ Ավելին, վիտամին E-ի մեծ դեղաչափերը կարող են ունենալ հակառակ՝ վնասաբեր ազդեցություն, հատկապես այն մարդկանց մոտ, ովքեր ստանում են արյան մակարդելիությունն ընկճող (օրինակ՝ Վարֆարին) կամ խոլեսթերինը նվազեցնող դեղեր (օրինակ՝ ստատիններ

Հոդվածը վերանայվել է՝ 14-05-2020