Գրադարան
Ցինկ
1 րոպե
Ցինկն անօրգանական նյութ է, որն անփոխարինելի դեր է ունի ձեր օրգանիզմի նորմալ գործունեության մեջ:
Մասնավորապես, ցինկը կարևոր է ձեր իմունային համակարգի, վերքերի ապաքինման, արյան մակարդելիության, վահանաձև գեղձի գործունեության, համի և հոտի զգացողությունների համար:
Եթե կին եք, ապա ցինկը նաև նպաստում է հղիության ընթացքում ձեր պտղի, ձեր երեխաների և դեռահասների նորմալ աճին և զարգացմանը:
Ցինկով հարուստ սննդամթերքներից են՝
- կարմիր միս
- թռչնամիս
- լոբազգիներ
- ընկուզեղեն
- ծովամթերք:
Մարդկանց մեծ մասը ցինկ պարունակող հավելումների կարիք չունի, քանի որ վերոնշյալ սննդի միջոցով ստանում է այս տարրի բավարար քանակներ:
Ցինկի օրական խորհուրդ տրվող քանակը կանանց համար 8 միիգրամ (մգ) է, իսկ տղամարդկանց համար՝ 11 մգ:
Ցինկի հավելումներ
Բժիշկը կարող է ձեզ խորհուրդ տալ ցինկի հավելում, եթե ունեք՝
- ցինկի պակաս (դեֆիցիտ)
- մրսածություն, քանի կան որոշ տվյալներ այն մասին, որ մրսածության ախտանիշները սկսվելուց առաջին 24 ժամվա ընթացքում ստացած ցինկը կարող է օգնել հիվանդության կարճ ընթացքին, թեև ներքթային ցինկը կարող է առաջացնել համի և հոտի զգացողությունների կարճատև կամ երկարատև կորուստ
- վերքերի ապաքինում, ընդ որում, մաշկային խոցերի դեպքում օգտակար է ոչ թե տեղային, այլ բերանային (օրալ) ցինկը
- փորլուծություն, եթե ձեր երեխայի մոտ առկա է սնուցման խանգարում
- տարիքի հետ պայմանավորված մակուլյար դեգեներացիա, որը տեսողական խանգարում է:
Հոդվածը տեղադրվել է՝ 16-05-2020 վերանայվել է՝ 17-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
