Կանագլիֆլոզին -

Ընդհանուր նկարագրություն

Կանագլիֆլոզինը բերանային (օրալ) դեղամիջոց է, որը նվազեցնում է արյան շաքարի (գլյուկոզի) մակարդակը 2-րդ տիպի շաքարային դիաբետով հիվանդների մոտ:

Սա դիաբետի բուժման նոր տեսակի դեղամիջոց է, որը պատականում է նատրիում-գլյուկոզի համափոխադրող 2-ի (SGLT2) արգելակիչներ կամ ինհիբիտորներ կոչվող դեղամիջոցների դասին:

Նորմալ պայմաններում, երբ արյունը անցնում է երիկամներով, գլյուկոզն արյունից քամազատվում և մտնում է երիկամների խողովակներ: Այնուհետև գլյուկոզը խողովակներից ետ է ներծծվում է արյան մեջ, որ մեզով չհեռանա: SGLT2-ը երիկամային խողովակի ֆերմենտ է, որը հանգեցնում է մեզի գլյուկոզայի ետ ներծծմանը: Կանագլիֆլոզինն արգելափակում է SGLT2-ի գործառույթը, ուստի, նվազեցնում է երիկամային խողովակներից գլյուկոզի ետ ներծծումը, ինչը հանգեցնում է մեզով գլյուկոզի ավելի շատ արտազատմանը:

Ամերիկյան FDA կազմակերպությունը Կանագլիֆլոզինը հաստատել է 2013թ. մարտին:

Բրենդային անվանումներ

Invokana

Ցուցումներ

• 2-րդ տիպի շաքարային դիաբետի բուժում՝ սննդակարգի և ֆիզիկական վարժանքների հետ համատեղ

Կողմնակի ազդեցություններ

Կանագլիֆլոզինի ամենատարածված կողմնակի ազդեցություններն են՝

• միզուղիների վարակներ
• կանանց մոտ սեռական սնկիկային վարակներ
• միզարձակման շատացում:

Կանագլիֆլոզինի այլ կողմնակի ազդեցությունները ներառում են՝:

• ցածր արյան ճնշում (հիպոտենզիա)
• արյան կալիումի բարձրացած մակարդակներ (հիպերկալեմիա)
• խոլեստերինի մակարդակի բարձրացում:

Փոխազդեցություններ

• Կանագլիֆլոզինը կարող է մի փոքր մեծացնել օրգանիզմում Դիգոքսինի (Լանոքսին) խտությունը, երբ այս երկու դեղամիջոցներ ընդունվում են միաժամանակ: Դիգոքսինի մակարդակը պետք է պատշաճ կերպով վերահսկվի:
• Ռիֆամպինը, Ֆենիտոինը (Դիլանտին, Դիլանտին-125), Ֆենոբարբիտալը և Ռիտոնավիրը (Նորվիր) կարող են նվազեցնել Կանագլիֆլոզինի ազդեցությունը՝ մեծացնելով վերջինիս արտազատումը և նվազեցնելով օրգանիզմում դրա խտությունը: Կանագլիֆլոզինի դեղաչափը պետք է ավելացվի մինչև օրական 300 մգ, երբ զուգակցվում է վերոնշյալ դեղամիջոցների հետ։
• Կանագլիֆլոզին և նմանատիպ դեղամիջոցներ ընդունող հիվանդներին խորհուրդ չի տրվում գլյուկոզի վերահսկման իրականացնում մեզի գլյուկոզի թեստերի միջոցով: Այս դեղամիջոցները մեծացնում են մեզով գլյուկոզի հեռացումը և կարող են առաջացնել մեզում գլյուկոզի դրական թեստերի: Ուստի, արյան գլյուկոզի վերահսկման համար պետք է օգտագործել այլընտրանքային մեթոդներ:

• Դեռևս անհայտ է, թե արդյոք Կանագլիֆլոզինն արտազատվում է կնոջ կրծքի կաթի մեջ:

Դեղաչափեր

• Կանագլիֆլոզինը պետք է ընդունվի օրվա առաջին ճաշից կամ նախաճաշից առաջ:
• Առաջարկվող մեկնարկային դեղաչափն օրական 100 մգ է, իսկ առավելագույն դեղաչափը՝ 300 մգ, օրական մեկ անգամ: 
• Երիկամների գործառույթը պետք է գնահատվի մինչև Կանագլիֆլոզինով բուժումը սկսելը և պարբերաբար՝ բուժման ընթացքում, և Կանագլիֆլոզինի դեղաչափը պետք է փոփոխվի՝ ելնելով երիկամային գործունեության թեստերի արդյունքներից:

Դեղաձևեր և պահպանում

Դեղաձևեր

• Հաբեր՝ 100 և 300 մգ:

Պահպանում

• Կանագլիֆլոզինը պետք է պահպանել սենյակային ջերմաստիճանի՝ 15-30° C պայմաններում:

Ամփոփում

Կանագլիֆլոզինը դեղամիջոց է, որը նախատեսված է 2-րդ տիպի շաքարային դիաբետի բուժման համար՝ սննդակարգի և ֆիզիկական վարժանքների հետ համատեղ: Կողմնակի ազդեցությունները, այլ դեղերի հետ փոխազդեցությունները, դեղաչափը և հղիության անվտանգության մասին տեղեկությունները պետք է ուսումնասիրվեն նախքան այս դեղորայքն ընդունելը: