Լակտոբացիլ - Պրոբիոտիկներ

Ընդհանուր նկարագրություն

Լակտոբացիլը վերաբերում է բակտերիաների որոշ տեսակներին, որոնք ապրում են մարդու մարսողական և միզասեռական ուղիներում և կարևոր են այս համակարգերի լավ առողջությունը պահպանելու համար:

«Լավ» բակտերիաները, ներառյալ լակտոբացիլի տեսակները, օգնում են մարսողական համակարգին քայքայել սնունդը և ներծծել սննդանյութերը և կանխել վարակիչ օրգանիզմների տարածումը մարսողական և միզասեռական ուղիներում:

Ացիդոֆիլ լակտոբացիլը բակտերիաների ամենատարածված տեսակներից մեկն է, որն օգտագործվում է որպես պրոբիոտիկային հավելում: Լակտոբացիլային հավելումները օգնում են աղիների նորմալ ֆլորայի վերականգնմանը, հիվանդություն առաջացնող ախտածինների աճի արգելակմանը և տեղային իմունիտետի բարելավմանը: Լակտոբացիլը վերահսկում է փորլուծությունը և հեշտացնում է կղանքի ճիշտ ձևավորումը՝ նպաստելով աղիքներում ջրի վերաներծծմանը:

Բրենդային անվանումներ

Lactobacillus acidophilus, Bacid, Culturelle

Ցուցումներ

Բիֆիդոբակտերի օգտագործման առաջարկվող վիճակներից են՝

• հակաբիոտիկների հետ կապված փորլուծություն
• վարակային փորլուծություն
• մարսողական համակարգի առողջական վիճակի բարելավում
• հակաբիոտիկների օգտագործումից հետո հեշտոցային կանդիդոզ վարակ
• նորածնային կոլիկա
• գրգռված աղիքի համախտանիշ
• աղիների բորբոքային հիվանդություններ, ինչպիսիք են խոցային կոլիտը և դիվերտիկուլիտը
• լակտոբացիլն, ըստ երևույթին, արդյունավետ է աղիքային ֆլորայի վերականգնման և փորլուծությունը վերահսկելու համար, սակայն, այլ կիրառումների մեծ մասը չեն հաստատվում համապատասխան գիտական ​​ուսումնասիրություններով։

Մի՛ ընդունեք բիֆիդոբակտերիումային հավելումներ, եթե՝

• գերզգայուն եք պատրաստուկի ցանկացած բաղադրիչի նկատմամբ
• ունեք ընկճված իմունային համակարգ
• ունեք գերզգայունություն սոյայի կամ կաթնաշաքարի նկատմամբ
• ունեք թափածակում (պերֆորացիա) ստամոքս-աղիքային խողովակում։

Կողմնակի ազդեցություններ

Բիֆիդոբակտերի ամենատարածված կողմնակի ազդեցություններից են՝

• ստամոքսի խանգարում
• աղիքային գազեր և փքվածություն:

Փոխազդեցություններ

Լակտոբացիլի որևէ ծանր կամ լուրջ, չափավոր կամ այլ փոխազդեցություն այլ դեղամիջոցների հետ չի նկարագրվել:

• Լակտոբացիլը, հավանաբար, անվտանգ է, երբ պատշաճ կերպով օգտագործվում է հղիության և կրծքով կերակրման ժամանակ:
• Եթե ​​հղի եք կամ կրծքով կերակրում եք, նախքան որևէ հավելում, այդ թվում՝ լակտոբացիլ օգտագործելը խորհրդակցեք ձեր բժշկի հետ:

Դեղաչափեր

• Լակտոբացիլ՝ 1-2 պատիճ, օրական մեկ անգամ
• 1-10 միլիոն գաղութ ձևավորող միավոր (CFU) օրական՝ բաժանած երեքից չորս ընդունման
• 8 oz  յոգուրտ՝ օրական երկու անգամ
• Ընդունեք լակտոբացիլը հակաբիոտիկի ընդունումից առնվազն 2 ժամ հետո և շարունակեք ևս մի քանի օր՝ հակաբիոտիկային բուժումն ավարտելուց հետո:

Ամփոփում

Ացիդոֆիլ լակտոբացիլը բակտերիաների ամենատարածված տեսակներից մեկն է, որն օգտագործվում է որպես պրոբիոտիկ հավելում: Լակտոբացիլային հավելումները օգնում են աղիքների նորմալ ֆլորայի վերականգնմանը, հիվանդություն առաջացնող ախտանիծ բակտերիաների աճի արգելակմանը և տեղական իմունիտետի բարելավմանը: Լակտոբացիլը վերահսկում է փորլուծությունը և հեշտացնում է կղանքի ճիշտ ձևավորումը՝ նպաստելով աղիքներում ջրի վերաներծծմանը: Լակտոբացիլի ընդհանուր կողմնակի ազդեցություններից են են աղիքային գազերը և փքվածությունը: Լակտոբացիլը, հավանաբար, անվտանգ է, երբ պատշաճ կերպով օգտագործվում է հղիության և կրծքով կերակրման ժամանակ։