Մելատոնին

Ընդհանուր նկարագրություն

Մելատոնինը բնական հորման է, որն արտադրվում է կոնաձև գեղձի կողմից:

Վաճառքի համար առկա Մելատոնինն արտադրվում է լաբորատորիաներում: Այն կարգավորում է «քուն-արթուն» ցիկլը: Մինչև Մելատոնին, խոտաբույսեր և սննդային հավելումներ օգտագործելը զրուցեք ձեր բժշկի հետ, թե արդյոք նպատակարամա՞ր է ձեր դեպքում այս միջոցների օգտագործումը:

Հետազոտությունները վկայում են, որ մելատոնին հորմոնը նաև կարգավորում է ներզատական (էնդոկրին) համակարգի գործունեությունը, արյան ճնշումը և քնի պարբերականությունը, դանդաղեցնում է տարիքային գործընթացները, խթանում է իմունային համակարգի գործունեության արդյունավետությունը և օժտված է հակաօքսիդանտային ունակություններով: Ավելին, այս հորմոնը մասնակցում է նաև մարսողական համակարգի և գլխուղեղի բջիջների գործունեության կարգավորմանը:

Ցուցումներ

Մելատոնինն օգտագործվում է քնկոտություն առաջացնելու և «քուն-արթուն» ցիկլը հարմարեցնելու համար, հատկապես անհանգիստ («պարող») ոտքերի համախտանիշի և աշխատանքային օրակարգի կտրուկ փոփոխությունների ժամանակ:

Մելատոնին կարող է նշանակվել նաև հետևյալ հիվանդությունների ու խնդիրների բուժման մեջ՝

• Ալցհեյմերի հիվանդության որոշ ախտանիշներ
• ականջներում աղմուկ («զնգոց», տինիտուս)
• դեպրեսիա
• միգրենային գլխացավեր:

Կողմնակի ազդեցություններ

Մելատոնինի կողմնակի ազդեցություններից են՝

• գլխապտույտ
• ավելորդ քնկոտություն (ցերեկային ժամերին)
• հոգնածություն
• ստամոքոսի դիսկոմֆորտ
• զգոնության կորուստ
• գլխացավ
• գերգրգռվածություն:

Այլ դեղերի, հավելումների և սննդի հետ փոխազդեցություններ

Մելատոնինը պետք է զգուշությամբ օգտագործվի հակաբեղմնավորիչ դեղերի և Ֆլուվոքամինի հետ, քանի որ դրանք բարձրացնում են արյան մեջ Մելատոնինի մակարդակը և կարող են ուժեղացնել վերջինիս քնկոտություն (սեդացիա) առաջացնելու ունակությունը:

Նույն նպատակով, Մելատոնինը պետք է զգուշությամբ օգտագործվի նաև այս տեսակ դեղերի հետ՝

• Զոլպիդեմ
• Ալպրազոլամ
• Կլոնազեպամ
• Դիազեպամ
• Զալեպոն:

Մելատոնինը պետք է զգուշությամբ օգտագործվի նաև այս տեսակ դեղերի հետ, քանի որ նման զուգակցմամբ բարձրանում է արյունահոսության և արյունազեղումների ռիսկը`

• Ապիրին
• Հեպարին
• Վարֆարին
• Կլոպիդոգրել
• Դիկլոֆենակ
• Մելոքսիկամ:

Հղիություն և կրծքով կերակրում

• Հղի կանանց մոտ Մելատոնինի օգտագործման անվտանգության և արդյունավետության վերաբերյալ բավարար տվյալներ չկան:
• Դեռևս հայտնի չէ, թե արդյոք Մելատոնինն արտազատվում է կրծքի կաթի մեջ, ուստի կրծքով կերակրող մայրերին խորհուրդ է տրվում խուսափել Մելատոնինից:

Դեղաչափեր

• Քնկոտություն, քուն-արթուն վիճակ ցիկլի խանգարումներ՝ օրական 0,3 մգ-ից մինչև 5 մգ, խմելու ձևով, քնելուց առաջ:
• Միգրենային գլխացավեր` օրական 3 մգ-ից մինչև 10 մգ, խմելու ձևով, քնելուց առաջ:

Դեղաձևեր և պահպանում

Դեղաձևեր

• Հաբեր, պատիճներ, ծամելի մաստակներ, ենթալեզվային հաբեր և հեղուկներ՝ 1 մգ, 3 մգ, 5 մգ և 10 մգ դեղաչափերով:

Պահպանում

• Մելատոնինը սովորաբար պահպանում է սենյակային ջերմաստիճանային պայմաններում:

Ամփոփում

Մելատոնինը սննդային հավելում է, որն օգտագործվում է անքնության կարճատև բուժման մեջ:

Մինչև դեղն ընդունելը հարկավոր է մանրամասն տեղեկանալ և ձեր բժշկի հետ քննարկել ցուցումների և հակացուցումների, կողմնակի ազդեցությունների, այլ դեղերի հետ փոխազդեցության, նախազգուշացումների, հղիության և կրծքով կերակրելու ընթացքում օգտագործման հարցերի մասին: