Վիտամին D

Ընդհանուր նկարագրություն

Վիտամին D-ն ոսկրերի աճի և զարգացման համար անհրաժեշտ վիտամին է: Վիտամին D-ն հայտնի է որպես էրգոկալցիֆերոլ (Վիտամին D2) և խոլեկալցիֆերոլ (Վիտամին D3):

Վիտամին D2 և D3 օրգանիզում տրոհվում են մինչև իրենց ակտիվ ձևը՝ կալցիտրոլ: Կալցիտրոլն ազդում է՝ խթանելով աղիներից կալցիումի և անօրգանական ֆոսֆորի ներծծումը դեպի արյան հուն։ Այն նաև կանխարգելում է երիկամներով կալցիում և ֆոսֆորի հեռացումը՝ օգնելով օրգանիզմում այս երկու միներալների բավարար մակարդակների ապահովմանը:

Բրենդային անվանումներ՝ Ergocalciferol (Vitamin D2), Cholecalciferol (Vitamin D3)

Ցուցումներ

Վիտամին D նշանակվում է հետևյալ հիվանդությունների բուժման մեջ՝

• հիպոպարաթիրեոիդիզմ
• Վիտամին D կայուն ռախիտ:

Առանց դեղատոմսի վաճառովող Վիտամին D-ի պատրաստուկները հաճախ օգտագործվում են արյան մեջ Վիտամին D-ի ցածր մակարդակի ժամանակ:

Կողմնակի ազդեցություններ

Վիտամին D-ի հնարավոր կողմնակի ազդեցություններից են՝սրտխառնոց

• փսխում
• փորկապություն
• քաշի կորուստ
• ընդհանուր թուլություն
• արյան բարձր կալցիում (հիպերկալցեմիա)։

Այլ դեղերի, հավելումների և սննդի հետ փոխազդեցություններ

• Միերալային յուղերի հետ միաժամանակ օգտագործելիս Վիտամին D-ի ներծծումը և բուժական օգուտները նվազում են:
• Վիտամին D ընդունող հիպոպարաթիրեոիդ ունեցող մարդիկ պետք է զգուշությամբ օգտագործեն թիազիդային միզամուղներ (օրինակ՝ Հիդրոքլորթիազիդ և Քլորթալիդոն), քանի որ վերջիններս կարող են բարձրացնել արյան կալցիումի մակարդակը:

Հղիություն և կրծքով կերակրում

• Հղիների շրջանում Վիտամին D-ի անվտանգության և արդյունավետության վերաբերյալ համարժեք տվյալներ չկան:
• Վիտամին D-ն մուտք է գործում կրծքի կաթի, ուստի կրծքով կերակրելու ընթացքում այս հավելումն օգտագործելու հարցը և ռիսկերը պետք է քննարկել բժշկի հետ:

Դեղաչափեր

• Հիպոպարաթիրեոիդիզմ՝ 25000 մինչև 200000 IU Վիտամին D, խմելու ձևով՝ զուգակցված 4 գրամ Կալցիումի լակտատի հետ, օրական 6 անգամ:
• Վիտամին D կայուն ռախիտ՝ խմելու ձևով 12000 մինչև 500000 IU Վիտամին D, օրական 1 անգամ:
• Վիտամին D-ի դեֆիցիտ՝ օրական 600 IU Վիտամին D ամենօրյա ընդունում:

Դեղաձևեր և պահպանում

Դեղաձևեր

• Վիտամին D2 և D3 մատչելի են 400, 800, 1000, 2000, 2400 և 5000 IU հաբերով և պատիճներով:
• Վիտամին D2 մատչելի է 50000 IU (1.25 մգ) փափուկ պատիճներով (softgels):
• Վիտամին D3 մատչելի է 50000 IU պատիճներով:

Պահպանում

• Վիտամին D պատիճները և հաբերը պետք է պահպանել 15-30°C սենյակային ջերմաստիճանային պայմաններում:

Ամփոփում

Վիտամին D-ն անհրաժեշտ է ոսկրերի և ատամների առողջության համար: Այն ազդում է՝ խթանելով կալցիումի ներծծումը և թուլացնելով նույն միներալի երիկամներով հեռացումը:

Մինչև դեղն ընդունելը հարկավոր է մանրամասն տեղեկանալ և ձեր բժշկի հետ քննարկել ցուցումների և հակացուցումների, կողմնակի ազդեցությունների, այլ դեղերի հետ փոխազդեցության, նախազգուշացումների, հղիության և կրծքով կերակրելու ընթացքում օգտագործման հարցերի մասին: