Ձկան յուղի օգուտներն Ալցհեյմերի հիվանդության բարձր ռիսկով մարդկանց շրջանում - Բժշկագիտական լրահոս

Գիտնականները գրանցել են Ալցհեյմերի հիվանդության ռիսկի նվազեցում ձկան յուղի հավելումներ ընդունող որոշ մարդկանց մոտ:

Յուղոտ ձուկը առողջ սննդակարգի մի մասն է, քանի որ այն օմեգա-3 ճարպաթթուների լավ աղբյուր է: Այն անձինք, ովքեր իրենց սննդակարգում չեն ներառում յուղոտ ձուկ, կարող են ընդունել ձկան յուղի հավելումներ, որոնք հաճախ առաջարկվում են որպես մի շարք առողջական օգուտներ տվող միջոցներ, ինչպիսիք են՝

• սրտի և սրտանոթային համակարգի օգուտներ
• աչքի առողջ վիճակի պաշտպանություն
• պտղի առողջ զարգացում
• հիշողության և հոգեկան առողջության այլ օգուտներ:

Իմացե՛ք ավելին օմեգա-3 ճարպաթթուների մասին:

Այնուամենայնիվ, ձկան յուղի վերաբերյալ որոշ առողջապահական պնդումներ վիճարկվում են, և հավելումներ ընդունելը կարող է կապված լինել որոշ անձանց առողջության հետ կապված ռիսկերի հետ:

Վերջերս մի փոքր հետազոտություն ցույց է տվել, որ ձկան յուղի հավելումները կարող են օգտակար լինել տարեց մարդկանց համար, ովքեր կրում են APOEε4 գեն, որը մեծացնում է Ալցհեյմերի հիվանդության զարգացման ռիսկը:

Հետազոտությունը, որը հրապարակվել է JAMA Network OpenTrusted Source-ում, հայտնաբերել է նյարդային բջիջների քայքայման նվազում վերոնշալ գենով անձանց մոտ ​, ում տրվել է ձկան յուղ, բայց որևէ զգալի օգուտ չի գրանցվել նույն գենը չունեցող անձանց համար:

Այս հետազոտությունն ընդգծում է գենետիկ նախատրամադրվածության հիման վրա անհատականացված սննդային առաջարկությունների օգտակարությունը: