Սթրեսի հաղթահարման 10 ուղիներ -

Եթե ​​դուք սթրեսի մեջ եք՝ անկախ ձեր աշխատանքի հետ կապված կամ անձնական որևէ դրդապատճառով, ավելի լավ զգալու առաջին քայլը ձեր լարվածության կամ ճնշված վիճակի պատճառը բացահայտելն է:

Առավել ոչ օգտակար բանը, որ կարող եք անել, ձեր լարվածությունը մեղմացնելու համար անառողջ քայլին դիմելն է, օրինակ՝ ծխելը կամ ալկոհոլ խմելը:

Իրավիճակին չտիրապետելը և ոչինչ չանելը կարող է ավելի վատացնել ձեր խնդիրները։

Սթրեսի լավ կառավարման որոշ ուղիներից հուզական ներուժն ամրապնդելը, ձեր իրավիճակը վերահսկելի դարձնելը, լավ փոխհարաբերություններ ստեղծելը և դրականորեն տրամադրվելը:

Ի՞նչ կարող եք անել սթրեսը հաղթահարելու համար

Փորձեք սթրեսը մեղմացնող հետևյալ 10 խորհուրդները։

Եղեք ակտիվ

Ֆիզիկական վարժանքները չեն վերացնի ձեր սթրեսը, բայց կարող են թուլացնել ձեր գերլարված հուզական վիճակը՝ մաքրելով ձեր մտքերը և թույլ տալով, որ ավելի հանգիստ վերաբերվեք ձեր խնդիրներին:

Լրացուցիչ խորհուրդների համար հարցրեք ձեր բժշկին, թե ինչպիսի վարժանքները կարող են օգնել ձեր ճնշված վիճակի բարելավմանը։

Վերգտեք ձեր վերահսկողությունը

Եթե ​​կարծում եք, որ չեք կարող որևէ բան անել ձեր խնդրի դեմ, ձեր սթրեսը կարող է էլ ավելի վատթարանալ:

Վերահսկողության կորստի այդ զգացումը սթրեսի և ինքնազգացողության պակասի հիմնական պատճառներից մեկն է:

Վերահսկողությունը վերգտնելուն ուղղված քայլերն ինքնին ամրապնդում են ձեր կենսաուժը, և սա չափազանց կարևոր է, որ գտնել ձեր խնդրի այն լուծումը, որը կբավարարի ձեզ, այլ ոչ թե մեկ ուրիշին:

Շփվեք մարդկանց հետ

Գործընկերների, ընկերների և ընտանիքի լավ աջակցության ցանցը կարող է թեթևացնել ձեր աշխատանքային անախորժությունները և օգնել ձեզ այլ կերպ տեսնել և մեկնաբանել դեպքերն ու իրադարձությունները:

Այն գործերն ու զբաղմունքները, որ անում ենք ընկերների հետ միասին, կարող են օգնել մեզ, որ հանգստանանք և թեթևացնենք ներքին լարվածությունը:

Ընկերոջ հետ ձեր խնդրի քննարկումը նաև կարող է օգնել, որ գտնեք դրա լավագույն լուծումը։

Ինքներդ ձեզ բավարար ժամանակ տրամադրեք

Մեզնից շատերն աշխատանքին երկարատև ժամանակ են հատկացում, ինչը նշանակում է, որ հաճախ բավականաչափ ժամանակ չենք ունենում՝ զբաղվելու այն գործով, որն իսկապես մեզ դուր է գալիս:

Կարևոր է որոշ ժամանակ տրամադրել զուտ շփվելու, ժամանցի, հանգստի կամ ֆիզիկական վարժանքների համար (քայլք, լող և այլն):

Փորձեք շաբաթական մի քանի երեկո հատկացնել աշխատանքի հետ կապ չունեցող որևէ զբաղմունքին, հանգստին կամ ժամանցին:

Թարմացրեք ձեր առօրյան

Ինքներդ ձեզ համար նոր նպատակներ և խնդիրներ դնելը՝ լինի դա աշխատավայրում, թե դրսում, օրինակ՝ նոր լեզու կամ նոր մարզաձև սովորելը, կարող է օգնել ձեր ինքնավստահության կայունացմանը: Սա նաև կարող է օգնել սթրեսի հաղթահարմանը:

Նոր զբաղմունքը նաև կարող է դրդել, որ ինչ-որ բաներ անեք և լցվեք ավելի ակտիվ դառնալու ցանկությամբ:

Խուսափեք վնասակար սովորություններից

Մի՛ փորձեք որպես սթրեսի հաղթահարման միջոց դիմել ալկոհոլին, ծխելուն և կոֆեինին:

Նման անառողջ ընտրությունները գուցե ժամանակավորապես օգնեն, բայց երկարաժամկետ հեռանկարում չեն լուծի ձեր խնդիրները, այլ հակառակը՝ ձեզ համար կստեղծեն նոր խնդիրներ:

Լավագույն տարբերակն այն է, որ գտնեք և լուծեք ձեր սթրեսի պատճառը:

Օգնեք այլ մարդկանց

Առկա տվյալները վկայում են, որ այն մարդիկ, ովքեր օգնում են ուրիշներին, օրինակ, այնպիսի գործողությունների միջոցով, ինչպիսիք են կամավորությունը կամ համայնքային աշխատանքը, հաճախ դառնում են սթրեսի նկատմամբ ավելի դիմադրողունակ:

Եթե ​​կամավորական աշխատանքների համար ժամանակ չեք գտնում, փորձեք ամեն օր ինչ-որ մեկին լավություն անել: Դա կարող է լինել առաջին հայացքից չնչին բան, օրինակ՝ փողոցն անցնելիս ինչ-որ մեկին օգնելը կամ գործընկերներին սուրճ հյուրասիրելը:

Աշխատեք ավելի խելամիտ, բայց ոչ՝ ավելի ծանրաբեռնված

Ավելի խելամիտ աշխատելը նշանակում է առաջնահերթություն տալ ձեր աշխատանքին և կենտրոնանալ այն խնդիրների վրա, որոնք իրական փոփոխություն կբերեն:

Հետաձգեք առավել նվազ կարևոր գործերը: Ընդունեք, որ դուք բնավ չեք կարող ամեն ինչի համար ժամանակ գտնել։

Փորձեք լինել դրական

Փնտրեք կյանքի դրական կողմերը և այն, ինչի համար շնորհակալ եք ձեր ներկա վիճակից:

Փորձեք ամեն օրվա վերջում գրի առնել 3 բան, որոնք ձեզ դրական հույզեր են պարգևել կամ որոնց արդյունքներից գոհ եք: