Ցավեր որովայնի շրջանում

Ցավեր որովայնի շրջանում
Անգլերեն անվանումը՝ Abdominal Pain

Որովայնի ցավը հայտնի է նաև որպես «ստամոքսի ցավ» կամ «փորացավ»։ Իր բնույթով որովայնի ցավը կարող է լինել ուժեղ՝ սուր կամ բութ։

Ի՞նչ է որովայնային ցավը

Որովայնային ցավերը սովորաբար առաջանում են մարսողական որևէ խնդրի առկայության ժամանակ։ Միևնույն ժամանակ, ստամոքսի շրջանի հանկարծակի ցավը կարող է ի հայտ գալ որպես ստամոքսում գազերի կուտակման և ստամոքսի փքվելու հետևանք։ Սա շատ տհաճ վիճակ է, որը, սական, կարող է արագ անհետանալ որոշ դեղեր ընդունելուց հետո։

Եթե ստամոքսի սուր նոպայաձև ցավերն ուղեկցվում են փորլուծութան հետ, ապա դրանց պատճառն ամենայն հավանականությամբ գաստրոէնտերիտն է։ Սա նշանակում է, որ դուք ունենք վիրուսային կամ բակտերիային վարակ, որը տեղակայված է ստամոքս-աղիքային խողովակում։

Եթե ստամոքսի ցավերը և փորլուծությունը բերում են ձեր ինքնազգացողության կտրուկ վատթարացման (օրինակ, առաջացնում են դող, սարսուռ և ջերմության բարձրացում), սա կարող է վկայել ավելի լուրջ վարակների մասին (օրինակ՝ սննդային թունավորում

Ե՞րբ դիմել բժշկին

Առանց ուշացնելու դիմեք բուժօգնության, եթե՝

  • որովայնային ցավն ուժեղ է և գնալով սաստկանում է
  • վերջերս դուք մարմնի զանգվածի կորուստ եք ունեցել
  • ձեզ մոտ կա արյունահոսութուն աղիներից
  • դժվարացել է ձեր կլման ակտը
  • ձեզ մոտ սկսվել են կրկնակի փսխումներ
  • բարձրացել է ձեր մարմնի ջերմաստիճանը
  • ձեր մաշկը ստացել է դեղին երանգ
  • ձեր որովայնին հպվելը կամ մեղմ սեղմելը առաջ է բերում ցավի ուժգնացում
  • ձեր ստամոքսը խիստ փքված է։

Եթե ցավը տեղակայված է որովայնի կոնկրետ մի շրջանում և ունի տանջող բնույթ, դա կարող է վկայել վիրաբուժական սուր հիվանդության, օրինակ՝ ապենդիցիտի մասին։ Նման դեպքերում ձեզ պետք է շտապ դիմել մոտակա վիրաբուժական բաժանմունք։

Պետք է նաև հիշել, որ որոշ դեղեր, օրինակ՝ ասպիրին և այլ հակաբորբոքայիններ, որպես կողմնակի ազդեցություն նույնպես կարող են առաջացնել ստամոքսի շրջանի ցավեր։ Տեղեկացրեք ձեր բժշկին այս մասին, որ նա վերանայի ձեր նշանակումները։

Հոդվածը վերանայվել է՝ 29-05-2019