Զայրույթ - Ախտանիշներ

Զայրույթը, ինչպես սթրեսը, կարող է լինել օգտակար հույզ (էմոցիա). այն կարող է մոտիվացնել, որ պաշտպանեք ինքներդ ձեզ, ձեր համոզմունքներն ու արժեքները:

Սակայն, ինչպես սթրեսը, զայրույթը ևս կարող վերաճել է ագրեսիայի և ձեզ դնել այնպիսի իրավիճակի առաջ, որի համար ավելի ուշ զղջալու եք:

Այլ մարդկանց հետ հարաբերություններում զայրույթի հաճախակի դրսևորումը կարող է նաև անախորժությունների և վիճաբանության տեղիք տալ, ինչպես նաև հասցնել նրան, երբ մարդիկ սկսում են ձեզ հետ ամեն տեսակի շփումները սահմանափակել: Վերջապես, որոշ դեպքերում չկառավարվող զայրույթը կարող է վերաճել ագրեսիայի՝ հանգեցնելով տարբեր անցանկալի հետևանքների, այդ թվում՝ բռնության:

Կարելի՞ է արդյոք կառավարել զայրույթը

Իհարկե, դժվար է խուսափել բոլոր այն իրավիճակներից, որոնք կարող են զայրույթ առաջացնել: Սակայն, դուք կարող եք սովորել, թե ինչպես կառավարել զայրույթի դրսևորումը, օրինակ՝

• խուսափել ալկոհոլի և ապօրինի թմրամիջոցների օգտագործումից
• հասկանալ այն նպաստող գործոնները կամ իրավիճակները (տրիգերներ), որոնք կարող են զայրույթի ռեակցիա հրահրել
• կիրառել ռելաքսացիայի ամենահարմար մեթոդները, որոնք հանդարտացնում են ձեր մտքերն ու մարմինը
• հասկանալ, թե ինչպիսի պատասխան ռեակցիա է առաջացնում զայրույթը շրջապատի մարդկանց մոտ
• դառնալ ակտիվ լսող և դիմացինի խոսքը լիարժեք ընկալող:

Կան նաև զայրույթի կառավարման տարբեր հմտություններ, որոնք կօգնեն, որ վերագտնեք ձեր ինքնատիրապետումը և զայրույթը ագրեսիայի չվերածեք:

Իմացե՛ք ավելին զայրույթի կառավարման հմտությունների մասին: