Գրադարան
Ախորժակի փոփոխություն
2 րոպե
Սնունդ ընդունելու ցանկությունը՝ ախորժակը կարող է փոփոխվել տարբեր պատճառներից:
Ավելի հավանական օրինակներից են՝
- առողջական խնդիրներ, այդ թվում՝ սրտային, լյարդային կամ երիկամային հիվանդություներ
- կենսաուժի կամ շարժառիթների (մոտիվացիաների) բացակայություն
- քաղցկեղ
- սնման խանգարումներ
- անհանգստություն կամ դեպրեսիա:
Եթե գտնում եք, որ նորմայից շատ եք ուտում, հատկապես՝ բարձրկալորիական, քաղցր մթերքներ, դա կարող է նշանակել, որ դուք «կոմֆորտային սնվող» եք, այսինքն, սնունդ եք ստանում ոչ թե քաղցը բավարարելու, այլ ինքներդ ձեզ հաճույք պատճառելու համար: Սնունդ ստանալու այս տեսակը կարող է տալ էներգիայի կարճատև ներհոս, սակայն, դրանից հետո հակված կլինեք ստանալու ավելի քաղցրահամ սնունդ:
Մյուս կողմից, եթե բավարար չափով սնունդ չեք ստանում, կարող եք լինել թույլ, հյուծված կամ զգալ շատ ավելի վատ, քան երբ ուտեիք փոքր քանակներով լավ հավասարակշռված կերակուրներ:
Սննդակարգը հավասարակշռելու հեշտ ճանապարհներ
Սնունդը կենսական նշանակություն ունի ձեր մարմինը և հոգեկան գործընթացները սնուցելու համար, ուստի կարևոր է, որ սննդակարգը դարձնեք առողջ և հավասարակշռված: Փորձեք այս միջոցները, որ վերադարձնեք ձեր ախորժակը և առողջ սնվելու սովորույթը:
- Նպատակ դրեք ձեր սնվելը դարձնել կանոնավոր: Օրվա մեջ 3 անգամ ստացեք «մեծ» սնունդ՝ նախաճաշ, երկրորդ նախաճաշ և ճաշ, ինչպես նաև համտեսեք սննդարար մթերքներ, ինչպիսիք են մրգերը, հում բանջարեղենները, ոչ ճարպոտ կրեկերները և սոուսները:
- Փորձեք զբաղվել չափավոր ֆիզիկական ակտիվությամբ (օրինակ՝ քայլք), ընդ որում, այնքան հաճախ, որքան կարող եք:
- Օրական առնվազն մեկ անգամ և առնվազն 30 րոպե ձեզ հանգիստ տվեք, որ սնունդ ստանաք հանգիստ, թուլացած վիճակում, այլ ոչ թե հապճեպ:
- Գնեք այնպիսի մթերքներ, որոնք արագ և հեշտ են պատրաստվում և խոհանոցում երկար ժամանակ չեք ծախսելու, եթե չեք սիրում կերակուր պատրաստել: Կամ կերակուրներ պատրաստեք անշտապ, եթե դա ձեզ հաճույք է պատճառում:
- Ընտրեք այնպիսի սնունդ, որը պարունակում է բազմաթիվ տարբեր սննդանյութեր: Օրինակ՝ տարբեր բանջարեղեններ պարունակող աղցաններ:
- Խմեք շատ հեղուկներ, հատկապես՝ ջուր: Փորձեք խուսափել ալկոհոլից, որը կարող է իրավիճակի ընկալումը դարձնել ավելի վատ, քան իրականում է:
- Եթե չեք կարող օգտագործել պինդ սնունդ, փորձեք ֆրեշ (սմուզի) կամ ապուրներ և ավելացրեք պրոտեինային փոշի, որ դրանք դարձնեք ավելի սննդարար:
- Զրուցեք ձեր բժշկի հետ այն մասին, թե ձեր իրավիճակում ինչպիսի սննդային հավելումներ է կարելի օգտագործել:
Հոդվածը տեղադրվել է՝ 25-04-2018 վերանայվել է՝ 27-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
