Շուտով մեր կայքում կգործարկվի օնլայն խորհրդատվության ծառայությունը
Մենք կպատրաստենք հատուկ էջ, որտեղ դուք կկարողանաք հրապարակել Ձեր հարցը կամ մտահոգությունը, իսկ մենք կփորձենք պատասխանել Ձեզ:
Կայքի մյուս այցելուներին տեսանելի կլինեն Ձեր հարցը և մեր պատասխանը՝ առանց Ձեր անձնական կամ այլ տվյալները գաղտնազերծելու:
Մեդեքսի օնլայն գործիքները թույլ են տալիս գնահատել Ձեր առողջության որոշ ցուցանիշներ:
Խնդրում ենք հաշվի առնել, որ դրանք չեն փոխարինում Ձեր բժշկին: Ուստի, առողջական խնդիրներ հայտնաբերելիս դիմեք Ձեր բժշկին, իսկ անհետաձգելի բուժօգնության կարիքի դեպքում առանց հետաձգելու զանգեք 1-03:
Զուգարանից օգտվելիս, դուք կարող եք ձեր կղանքում կամ օգտագործած զուգարանի թղթի վրա նկատել արյան կաթիլներ կամ հետքեր։
Մարդկանց մի մասը նման դեպքերին ուշադրություն չի դարձնում, մյուսներն անհանգստանում են և շտապ դիմում բժշկին։ Երկրորդ տեսակի մարդիկ ավելի ճիշտ են, քանի որ կղանքում արյան հայտնվելը, առավել ևս՝ ուղիղաղիքային արյունահոսությունը կարող են հանդիսանալ ոչ միայն թեթև, այլ լուրջ և ծանր հիվանդությունների ախտանիշներից մեկը։
Կղանքում հայտնված արյան տեսքը կախված է այն հանգամանքից, թե ստամոքս-աղիքային խողովակի որ բաժիններից է այդ արյունը հայտնվել աղիների լուսանցքում։
Զուգարանի թղթի վրա կարմիր արյան հետքը, զուգարանակոնքում թարմ արյան կաթիլները կամ կղանքի մակերեսին թարմ արյան բծերը կարող են վկայել այն մասին, որ արյունահոսությունն առաջացել է ուղիղ աղիքի ստորին շրջաններում կամ հետանցքում։
Եթե արյունը խառնված է կղանքի հետ, հավանաբար արյունահոսությունը սկսվել է հաստ աղիների ավելի բարձր շրջաններում։
Եթե աղիքային պարունակության մեջ թարմ արյան հետքեր չկան, սակայն կղանքը սևացած և մազութանման է, արյունահոսությունն ամենայն հավանականությամբ ծագել է ձեր աղիների ամենաբարձր շրջաններում՝ 12-մատնյա աղիքում կամ ավելի վերևում՝ ստամոքսում։ Նման դեպքերում արյունահոսության ամենահավանական պատճառը խոցն է, ավելի հազվադեպ՝ ստամոքոսի քաղցկեղը։
Կղանքում արյունը կարող է հայտնվել ստամոքս-աղիքային ծագման տարբեր պատճառներով, այդ թվում՝
Եթե ձեր կղանքում նկատում եք արյուն, տեղեկացրեք այդ մասին ձեր բժշկին։
Կղանքում արյան առկայությունից բացի դուք կարող եք նշել նաև այլ գանգատներ, որոնք կապված են արյան կորստի չափի և արյունահոսության սրության, ինչպես նաև ստամոքս-աղիքային արյունահոսության այդ դրվագը պատճառած հիմնական հիվանդության հետ։
Եթե կղանքում արյան հայտնվելն ուղեկցվում է ուշագնացության զգացման կամ գլխապտույտի հետ, սա կարող է վկայել անհետաձգելի բուժօգնություն պահանջող լուրջ արյունահոսության մասին։ Նման դեպքերում անհապաղ զանգեք 1-03 և կանչեք շտապբուժօգնություն։
Եթե կղանքում արյան առկայությունն ուղեկցվում է վերջին ժամանակներում զարգացած մարմնի կշռի կորստի հետ, սա կարող է վկայել աղիքային լուրջ հիվանդությունների, այդ թվում՝ քաղցկեղի մասին։
Դիմեք ձեր բժշկին, եթե կղանքում նկատել եք արյուն և ունեք նողկանքի զգացում կամ փսխում, փորլուծություն կամ փորկապություն, որովայնի շրջանի ցավեր, կծկանքներ և մարսողության խանգարման նշաններ։ Հիշեք, որ կղանքում արյուն կարող է հայտնվել որպես թութքի բարդություն։
Այնուամենայնիվ, նույնիսկ եթե կղանքում արյան առկայությունը դրսևորվում է միայնակ՝ առանց որևէ այլ նշանների, բժշկին դիմելը կարևոր է, որ հնարավորինս վաղ ախտորոշվի ձեզ մոտ առկա առողջական խնդիրը և շուտ սկսվի դրա բուժումը։
Բժիշկը ձեզ հետ զրուցելուց և ձեզ զննելուց հետո կարող է նշանակել որոշ հետազոտություններ։ Կղանքում արյուն հայտնվելիս ձեզ հաճախ կարող են առաջարկվել հետևյալ հետազոտությունները՝
Որոշ հետազոտությունների համար կարող են կիրառվել հանգստացնող և անզգայացնող միջոցառումներ։ Այս հետազոտությունների մասին ավելի մանրակրկիտ տեղեկություններ կարող եք ստանալ ձեր բժշկից։
Կղանքում արյուն հայտնվելու դեպքում դիմեք ձեր բժշկին, որ նա հնարավորինս վաղ հետազոտի և հայտնաբերի դրա հնարավոր պատճառը։
Որպես կանոն, բուժումը կախված է արյունահոսության պատճառից։
Որոշ դեպքերում բուժումը կարող է ներկայացնել զուտ ձեր ապրելակերպի կամ սննդակարգի փոփոխություններ։ Այլ դեպքերում կարող է ավելի լուրջ բուժական միջոցառումների, այդ թվում՝ հիվանդանոցային պայմաններում բուժման կարիք առաջանալ։ Սուր արյունահոսության ժամանակ ձեզ կարող է առաջարկվել անհետաձգելի բուժօգնություն և շտապ վիրահատություն։
Հոդվածը վերանայվել է՝ 02-06-2019
