Մեծ տարիքով մարդիկ ավելի քիչ հավանական է, որ դիմեն օգնության կամ գանգատվեն դեպրեսիայի նշաններից, քան ավելի երիստասարդները։
Նրանք կարող են անգամ չհավատալ կամ չընդունել, որ տխուր են կամ ընկճված։
Մեծ տարիքում դեպրեսիան հաճախ մնում է չհայտնաբերված և սխալմամբ կապվում է տարիքի, դեմենցիայի կամ ընդհանուր առողջական ոչ բավարար վիճակի հետ։
65 տարեկանից բարձր մարդկանց մոտ դեպրեսիան կարող է ընթանալ անբացատրելի ֆիզիկական գանգատներով, հիշողության կորստով և վարքագծային փոփոխություններով։
Մեծ տարիքով մարդկանց մոտ դեպրեսիայի պատճառները
Մեծահասակների մոտ դեպրեսիայի պատճառները կարող են լինել տարբեր և կախված լինել այն հանգամանքից, թե որ տարիքում է այն առաջին անգամ ի հայտ եկել։
Եթե մարդու մոտ դեպրեսիան առաջին անգամ դրսևորվել է կյանքի վաղ տարիներին, հնարավոր պատճառներից կարող են լինել ժառանգական կամ անհատական գործոնները, ինչպես նաև կյանքի ընթացքում տեղ գտած իրադարձությունները։ Եթե դրանք առաջացել են ավելի ուշ տարիքում, առաջնային կարող են դառնալ ֆիզիկական առողջության խնդիրները։
Սոցիալական մեկուսացումը և միայնակությունը, ինչպես նաև կորուստները նույնպես 65-ն անց մարդկանց մոտ կարող են համարվել դեպրեսիայի զարգացման հաճախ հանդիպող պատճառներ։
Մեծ տարիքով մարդկանց դեպրեսիայի բուժումը
Դեպրեսիայի բուժումը մեծ տարիքում նման է տարիքային այլ խմբերում առաջարկվող բուժմանը, սակայն տարբեր կարող է լինել բուժման մեթոդները։
Տարիքը չի նվազեցնում դեպրեսիայի բուժման արդյունավետությունը։ Ավելին, մեծ տարիքում բուժումից դուրս մնացած դեպրեսիան կարող է առաջացնել բազմաթիվ հետևանքներ, օրինակ՝ ծանրացնել առկա ֆիզիկական հիվանդության ընթացքը, երբ անձն անտեսում է իր առողջության և բուժման կարևորությունը։
Միջին տարիքում ապրելակերպի փոփոխությունները կարող են որոշ չափով կանխարգելել ավելի մեծ տարիքում դեպրեսիայի զարգացման ռիսկը։
Իմացե՛ք ավելին դեպրեսիաների մասին։
Հոդվածը հրապարակվել է՝ 09-05-2019
Վերջին վերանայում՝ 27-04-2024