Դեպրեսիա

Եթե աշխատանքային շաբաթվա ավարտին զգում եք, որ այլևս «ներքին» էներգիա և որևէ բանի ցանկություն չունեք և նախկինում ձեզ հետաքրքրող գործերը ձեզ այլևս չեն ձգում, դուք հավանաբար դեպրեսիայի մեջ եք։

Ընդ որում դեպրեսիան չի նշանակում, որ դուք պարզապես տխուր կամ ընկճված եք։

Ի՞նչ է դեպրեսիան

Դեպրեսիան ավելի շուտ «թախիծով թմրած» լինելու զգացողություն է, քան թե զուտ տխություն։ Այն հաճախ նաև անկառավարելի զգացում է, որից չի կարելի պարզապես «ցատկել» և դուրս գալ։ Դեպրեսիան լուրջ առողջական խնդիր է, որի ժամանակ մարդու հուզական վիճակի և իրականության միջև գոյանում է մեծ խզում, ինչը պահանջում է բազմակողմանի բուժում։

Դեպրեսիայի պատճառները կարող են ներառել այնպիսի գործոններ, ինչպիսիք են՝ անհատական առանձնահատկություններ, ընտանեկան պատմություն, ալկոհոլի և թմրամիջոցների չարաշահում, ինչպես նաև կյանքի ընթացքում տեղի ունեցած անցանկալի դեպքեր և իրադարձություններ։

Հոգեբուժության մեջ առանձնացնում են դեպրեսիայի տարբեր տեսակներ, որոնք ընդհանուրից բացի ունեն յուրահատուկ նշաններ և պատճառներ։ Սա նշանակում է, որ չկա բուժման մի տարբերակ դեպրեսիայի բոլոր տարատեսակների համար, այլ հակառակը, դեպրեսիայի յուրաքանչյուր առանձին տեսակ ունի իր տարբերակված բուժումը։

Եթե կարծում եք, որ դուք կամ ձեր շրջապատից մեկ այլ մարդ տառապում է դեպրեսիայով, առաջին քայլը ձեր բժշկի կամ մասնագետ-խորհրդատուի հետ զրուցելն է, ով ձեզ կհուշի դեպրեսիայի հաղթահարման երկար ճանապարհի առաջին ճիշտ քայլերը։

Հոդվածը վերանայվել է՝ 25-04-2021