Չոր աչքը սովորաբար ուղեկցվում է մի շարք գանգատներով՝ աչքերի գրգռվածություն, հեշտությամբ հոգնող աչքեր, մշուշոտ տեսողություն և աչքերում օտար մարմնի (օրինակ՝ փոշու) առկայության զգացողություն, երբեմն նաև՝ այրոցանման ցավ: Առավոտյան՝ արթնանալուց անմիջապես հետո դուք կարող եք նշել նաև աչքերի կարմրություն և կոպեզրերի կպչունություն: Այս ախտանիշները կարող են լինել սկսած թույլից մինչև ծանր և կրեն պարբերական ու շարունակական բնույթ:
Ահա որոշ բաներ, որոնք դուք կարող եք անել նման իրավիճակում:
Պաշտպանեք ձեր աչքերը և հնարավորինս բացառեք դրանց ուղղակի շփումը քամու, օդի տաք հոսանքի, արևի ճառագայթների և ծխի հետ, որոնք կարող են գրգռել ձեր աչքերը:
Հնարավորինս բացառեք աչքերի գերլարվածությունը: Օրինակ, եթե դուք երկար ժամանակ եք անցկացնում համակարգչի առջև նստած վիճակում, ապա համոզվեք, որ ձեր աչքերի դիրքը ճիշտ է ընտրված: Ժամանակ առ ժամանակ ընդմիջեք ձեր աշխատանքը և հեռացեք համակարգչից:
Վերանայեք ձեր սննդակարգը: Օմեգա-3 պարունակող յուղոտ ձկները, օրինակ՝ թարմ սաղմոսը (лосось) կամ թունան (тунец) կարող են նպաստել արցունքի արտադրության խթանմանը:
Ձեր սենյակը կամ բնակարանը խոնավացնող միջոցները կարող են մեղմացնել շրջապատի օդի չորությունը և որոշակիորեն օգնել, որ ձեր աչքերը շուտ չչորանան:
Փորձեք առանց դեղատոմսի վաճառվող աչքի կաթիլներ, օրինակ՝ «արհեստական արցունք»:
Փորձեք օրը մի քանի անգամ օգտագործել կոպերի տաք կոմպրեսներ (5-10 րոպե):
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը: Հեղինակային բոլոր իրավունքները պատկանում են Մեդեքսին։
