Շուտով մեր կայքում կգործարկվի օնլայն խորհրդատվության ծառայությունը
Մենք կպատրաստենք հատուկ էջ, որտեղ դուք կկարողանաք հրապարակել Ձեր հարցը կամ մտահոգությունը, իսկ մենք կփորձենք պատասխանել Ձեզ:
Կայքի մյուս այցելուներին տեսանելի կլինեն Ձեր հարցը և մեր պատասխանը՝ առանց Ձեր անձնական կամ այլ տվյալները գաղտնազերծելու:
Մեդեքսի օնլայն գործիքները թույլ են տալիս գնահատել Ձեր առողջության որոշ ցուցանիշներ:
Խնդրում ենք հաշվի առնել, որ դրանք չեն փոխարինում Ձեր բժշկին: Ուստի, առողջական խնդիրներ հայտնաբերելիս դիմեք Ձեր բժշկին, իսկ անհետաձգելի բուժօգնության կարիքի դեպքում առանց հետաձգելու զանգեք 1-03:
Բժիշկը կարող է ձեզ նշանակել էլեկտրասրտագրություն, որ գնահատի, թե արդյոք ձեր սիրտը լա՞վ է աշխատում։
Էլեկտրասրտագրությունը (ԷՍԳ, ռուսերեն՝ ЭКГ) շատ պարզ, անցավ և անվնաս հետազոտություն է, որի նպատակը ձեր սրտի էլեկտրական ակտիվության գրանցումն է։
ԷՍԳ-ի անհրաժեշտությունը ծագում է, երբ անձն ունի կրծքավանդակի ցավեր, սրտխփոց և ընհանուր առմամբ, բոլոր այն դեպքերում, երբ անհրաժեշտ է ընդհանուր պատկերացում կազմելսրտի աշխատանքի մասին։
ԷՍԳ-ն մտնում է նաև ընդհանուր կանխարգելիչ հետազոտությունների մեջ։
ԷՍԳ-ն կարող է ցույց տալ, թե արդյոք դուք՝
ԷՍԳ-ն ձեր սրտի էլեկտրական ակտիվության պատկերումն է ժապավենի վրա (կամ սարքի էկրանին)։ Այն լիարժեք անվտանգ հետազոտություն է և չկա էլեկտրահարվելու որևէ վտանգ։
Մինչև ԷՍԳ-ն, ձեզ գուցե առաջարկեն սափրել ձեր մարմնի այն մասերի մազածածկույթը, որտեղ պետք է տեղադրվեն էլեկտրոդները (գրանցող մակերեսներ)։ Կանանց կառաջարկեն նաև հանել կրծքկալը, քանի որ էեկտրոդներ պետք է հպվեն նաև կրծքի, այդ թվում՝ ձախ կրծքագեղձի մաշկին։
ԷՍԳ-ի ժամանակ էլեկտրոդները տեղադրվում են ձեր ձեռքերի, ոտքերի և կրծքավանդակի մաշկին, որոնք լարերով միացվում են ԷՍԳ սարքին։
Ներկայում կիրառություն են ստացել հետևյալ երեք հիմնական ԷՍԳ տեսակները՝
Եթե հանգստի ԷՍԳ-ի կամ տրեդմիլ թեստի ժամանակ ձեզ մոտ առաջանում են կրծքավանդակի ցավեր, տեղեկացրեք այդ մասին հետազոտությունն անցկացնող բուժքրոջը կամ բժշկին։
Նույն կերպ, եթե կրծքավանդակի ցավերն առաջանում են հոլտեր մոնիթորինգի ընթացքում, անհապաղ զանգեք 1-03 և կանչեք շտապբուժօգնություն։
Հոդվածը վերանայվել է՝ 12-05-2019
