Առողջական խնդիրներ
Աչքից արտադրություն
1 րոպե
Աչքից արտադրությունն ամենայն հավանականությամբ վկայում է աչքի գրգռման կամ վարակային բորբոքման մասին:
Վարակները կարող են ունենալ տարբեր հարուցիչներ: Աչքի վարակների առավել տարածված տեսակներից են՝
- աչքի շաղկապենու բորբոքում (կոնյուկտիվիտ)
- աչքի կոպերի բորբոքում (բլեֆարիտ)
- գորդեոլում (տիկնակլունձ, ռուսերեն՝ ячмень)
- փոքր քերծվածքներ կամ գրգռում, որը պատճառվում է կեղտի, փոշու կամ ծխի նկատմամբ ալերգիայով և գերզգայունությամբ:
Արտադրությունը կարող է լինել արցունքային, լորձային կամ թարախային:
Եթե ձեզ մոտ ի հայտ է եկել աչքից արտադրություն, դուք պետք է այցելեք ձեր բժշկին կամ նրա ուղեգրմամբ՝ ակնաբույժին: Մինչ այդ՝
- համոզվեք, որ մինչև յուրաքանչյուր աչքը մաքրելը դուք լավ լվացել եք ձեր ձեռքերը
- աչքից արտադրությունը պետք է մաքրել զգուշությամբ. այս նպատակով յուրաքանչյուր աչքի համար պատրաստեք առանձին բամբակե խծուծ, որը նախապես ներծծեք քիչ ջրով և մաքրեք՝ սկսած քթի ծայրից դեպի դուրս (վարակի տարածումը մի աչքից մյուսը կանխարգելելու համար)
- հրաժարվեք երեսի մաքրիչները, սրբիչները կամ շպարվելու և այլ նյութերը մեկ այլ մարդու հետ համատեղ օգտագործելուց, որպեսզի ձեր աչքի հավանական վարակը չփոխանցեք մյուսներին
- եթե կրում եք կոնտակտային լինզաներ, հեռացրեք դրանք և կրեք ակնոցներ, մինչև ձեր գանգատները վերանան
- համոզվեք, որ ձեր սրբիչները և անկողնու սպիտակեղենը կանոնավոր կերպով լվացվում են և հնարավորության դեպքում չորացվում արևի տակ:
Հոդվածը տեղադրվել է՝ 03-06-2019 վերանայվել է՝ 02-02-2021
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
