Ընդհանուր հոգնածության զգացում

Ընդհանուր հոգնածության զգացում
Անգլերեն անվանումը՝ Fatigue

Բոլորս էլ ժամանակ առ ժամանակ զգում ենք գերհոգնածություն։ Նման դեպքերում մեր հոգնածությունն ունի ակնհայտ պատճառ և հանգստանալուց վերանում է։

Ի տարբերություն այսպիսի ժամանակավոր հոգնածության դեպքերին, լինում են նաև հյուծվածության աստիճանի ընդհանուր թուլության զգացումներ, որոնք որևէ ակնհայտ «արտաքին» պատճառ չունեն, զարգանում են աստիճանաբար և ուղեկցվում ներքին էներգիայի, շարժառիթների և ուշադրության կենտրոնացման թուլացման հետ։ Նման հոգնածությունն ավելի շուտ կապված է դեպրեսիայի, ապրելակերպի որոշ գործոնների կամ առողջական որևէ այլ խնդիր հետ։ Նման դեպքերում ֆիզիկական հոգնածությունից բացի առաջ են գալիս նաև հուզական և հոգեբանական հյուծման նշաններ։

Ընդհանուր հոգնածության պատճառները

Ապրելակերպի գործոններ

Ընդհանուր հոգնածության զգացումը կարող է կապված լինել հետևյալ գործոնների հետ՝

  • ալկոհոլի կամ թմրամիջոցների օգտագործում
  • ֆիզիկական գերլարվածություն
  • հակառակը՝ ֆիզիկական պասիվություն
  • անբավարար քուն
  • անառողջ սննդակարգ:

Հիվանդություններ կամ վիճակներ

Ե՞րբ դիմել բուժօգնության

Զանգեք 1-03 և կանչեք շտապբուժօգնություն բոլոր այն դեպքերում, երբ ընդհանուր թուլության զգացումը պայմանավորված է հոգեկան առողջության խնդրի հետ և ուղեկցվում է հետևյալ նշաններով՝

  • ինքնավնասման կամ ինքնասպանության մտքեր
  • ուրիշներին վնասելու մտքեր։

Անհետաձգելի բուժօգնության անհրաժեշտություն առաջանում է նաև այն դեպքերում, երբ ընդհանուր թուլությունն ուղեկցվում է հետևյալ գանգատների հետ՝

Դիմեք ձեր բժշկին նաև այն դեպքում, երբ ձեր ընդհանուր հոգնածության զգացումը տևում է մի քանի շաբաթ` չնայած հանգստանալու ձեր փորձերին, սթրեսը նվազեցնելուն, սննդակարգն առողջ դարձնելուն կամ հեղուկների ընդունումը նորմալացնելուն։

Հոդվածը վերանայվել է՝ 17-05-2019