Օտար մարմին ականջում. առաջին օգնություն

Օտար մարմին ականջում. առաջին օգնություն

Արտաքին լսողական անցուղու լուսանցքում հայտնված օտար մարմինը կարող է առաջացնել ցավ, վարակ և լսողության կորուստ:

Նման իրավիճակում դուք գիտեք, որ այս գանգատներն ուղղակիորեն կապված են ականջում հայտնված օտար մարմնի հետ, մինչդեռ մանկահասակ երեխաները կարող են այս մասին չտեղեկացնել:

Եթե ականջում հայտնվել է որևէ օտար մարմին, ապա զգուշությամբ փորձեք անել այս քայլերը:

  • Մի՛ փորձեք ականջը մտցնել բամբակե տամպոն կամ փորձել չերևացող առարկան հեռացնել լուցկու հատիկով, ատամի մաքրիչով և այլ սրածայր առարկաներով, որոնք կարող են վնասել անցուղու պատերը կամ թմբկաթաղանթը
  • Օգտվեք ծանրության ուժից և փորձեք հեռացնել ականջի օտար մարմինը՝ գլուխը տվյալ կողմով թեքելով դեպի ներքև:
  • Ականջում միջատ հայտնվելիս փորձեք օգտագործել ձեթ (օրինակ՝ մանկական յուղ): Նման դեպքերում գլուխը պահեք ականջը դեպի վեր դիրքում, որից հետո ականջի անցուղի կաթեցրեք նախապես տաքացված ձեթ կամ յուղ, որը կարող է դեպի վեր բարձրացնել այդ միջատին:
  • Փորձեք առանց ասեղի ներարկիչով ականջի անցուղի լցնել և օտար մարմինն իռռիգացնել նախապես տաքացված մաքուր ջրով:

Մի՛ փորձեք վերոնշյալ քայլերը, եթե կասկածում եք, որ ձեր ականջի թմբկաթաղանթը կարող է վնասված լինել:

Դիմեք բժշկին, եթե այս քայլերն անարդյունք են կամ կասկածում եք, որ ինքնուրույն կկարողանաք հեռացնել օտար մարմինը: Առանց ուշացնելու դիմեք բուժօգնության, եթե՝

  • զգում եք սուր կա սաստիկ ցավեր
  • լսողական անցուղուց առկա է արտադրություն՝ դեղնավուն, դեղնականաչավուն կամ արյունային
  • ձեր լսողությունը կտրուկ թուլացել է
  • ականջում զգում եք արտասովոր ձայներ կամ հնչյուններ
  • առկա են այլ, արտաքնապես ականջի հետ կապ չունեցող այլ գանգատներ ևս:

Հոդվածը վերանայվել է՝ 02-02-2021