Քթի խոռոչում պատահաբար հայտնված օտար մարմինը երբեմն առաջացնում է տեղային ցավ, դժվարաշնչություն և անհետաձգելի օգնության անհրաժեշտություն։
Եթե ձեր քթի խոռոչում հայտնվել է որևէ օտար մարմին, ապա՝
- մի՛ փորձեք դիպչել կամ հեռացնել այն բամբակե ծայրով ձողի կամ այլ պարագայի միջոցով
- փորձեք շնչել միայն բերանով, քանի դեռ օտար մարմինը քթից չի հեռացվել (առավել ևս՝ մի՛ փորձեք քթով խոր ներշնչում կատարել)
- փորձեք զգուշությամբ քթով արտափչել այդ մարմինը, սակայն մի՛ կրկնեք սա հաճախակի կամ ուժերի գերլարումով (եթե օտար մարմինը մի քթանցքում է, ապա մատով փակեք մյուս անցքը և քթով կտրուկ արտաշնչում կատարեք)
- զգուշությամբ հեռացրեք օտար մարմինը, եթե այն տեսանելի է և հնարավոր է հեշտությամբ բռնել ու առանց վնասելու դուրս քաշել պինցետով (մի՛ փորձեք պինցետ օգտագործել, եթե այն չի երևում կամ պինցետով հետրությամբ չի բռնվում)
- եթե վերոնշյալ մեթոդներն արդյունք չեն տալիս, զանգեք 1-03 և կանչեք շտապ օգնություն:
Իմացե՛ք ավելին քթի խոռոչում օտար մարմնի պատճառների և առողջական հետևանքների մասին:
Հոդվածը հրապարակվել է՝ 23-01-2021
Վերջին վերանայում՝ 23-04-2024