Կանաչ կղանք - ԱԽտանիշներ

Կանաչ կղանքը սովորաբար կապված է ձեր ստացած սննդատեսակի հետ (օրինակ՝ սպանախ):

Որոշ դեղեր կամ երկաթի հավելումներ նույնպես կարող են ձեր կղանքը դարձնել կանաչ:

Նորածինների առաջին սև կամ մուգ կանաչավուն կղումը կոչվում է մեկոնիում, իսկ եթե կրծքով կերակրումը լավ է ընթանում, 3-րդ օրը երեխայի կղանքը դառնում է անցումային կանաչավուն և սկսում է դեղնել սկսած 5-րդ օրվանից: Կրծքի կաթով սնվող նորածինները հաճախ ունեն դեղնականաչավուն կղանք: Ավելի մեծ տարիքով երեխաների ու չափահասների մոտ կանաչ կղանքը տարածված չէ և հազվադեպ վկայում է որևէ առողջական խնդրի մասին:

Պատճառներ

Նորածիններ

Նորածինների մոտ կղանքը կարող է կանաչել հետևյալ պատճառներով։

• Կրծքով կերակրումից ոչ ամբողջական հրաժարում, երբ կրծքի կաթի որոշ բարձր յուղայնության բաղադրիչները բաց են թողնվում, ինչն էլ ազդում է կաթի յուրացման վրա
• Եթե կերակրող մոր կաթնարտադրությունը չափից առատ է, հնարավոր է, որ երեխան ստանա շատ կաթնաշաքար (լակտոզ), բայց քիչ ճարպ պարունակող առաջնային կաթ, որի արդյունքում առաջնային և հետին կաթի դիսբալանսը կարող է առաջացնել ջրիկ և կանաչ կղանք
• Պրոտեին հիդրոլիզատային հիմքով կերերը, որոք օգտագործվում են կաթի կամ սոյայի նկատմամբ ալերգիկ նորածինների համար, կարող են կանաչացնել երեխայի կղանքը:
• Կրծքով սնվող նորածինների մոտ նորմալ աղիքային բակտերիաների պակասը կարող է բերել կղանքի կանաչ երանգավորման:
• Փորլուծությունը երբեմն ուղեկցվում է կանաչավուն կղանքային արտաթորանքներով, որը աղիքային բակտերիալ հավասարակշռության խախտման արդյունք է:

Շատ մայրեր և բժիշկներ կանաչ կղանքի դեպքում կարող են նորածնի մոտ կասկածել լակտազային անբավարարություն: Լակտազը կաթնաշաքարը յուրացնող մարսողական ֆերմենտ է: Լակտազային անբավարարությունը պահանջում է համապարփակ ախտորոշում: Կարևոր է, որ երեխայի բժիշկը և մայրը տեղեկացված լինեն այսպես կոչված «լակտոզով գերծանրաբեռնման» մասին, որը հաճախ շփոթում են լակտազային անբավարարության հետ: Լակտոզով գերծանրաբեռնումը պայմանավորված է կրծքով սնուցման սխալ կազմակերպմամբ:

Երեխաներ և չափահասներ

Կանաչ կղանքի պատճառներից են՝

• կանաչ բանջարեղեններով հարուստ սննդակարգ (օրինակ՝ սպանախ)
• բնական և արհեստական սննդային կանաչ ներկանյութեր
• փորլուծություն
• երկաթի հավելումներ (կղանքի գույնը տատանվում է մուգ կանաչից մինչև սև):

Ե՞րբ այցելել բժշկին

Կապ հաստատեք բժշկի հետ, եթե ձեր երեխայի մոտ կանաչ կղանքը շարունակվում է ավելի քան մի քանի օր: Կանաչ կղանքը հաճախ հանդիպում է փորլուծության հետ միասին, ուստի առաջ հեղուկներ տալը և անհետաձգելի բուժօգնությունը դառնում են անհրաժեշտություն, եթե ձեր երեխային մոտ զարգանում է ջրազրկում: