Առողջ քունը և հերթապահ աշխատանքը

Առողջ քունը և հերթապահ աշխատանքը

Գիշերային հերթապահությունը բազմաթիվ մարդկանց համար ծանր գործ է, քանի որ ոչ բոլորն են կարողանում հեշտությամբ հարմարվել նորմալ օրական ռիթմի շրջադարձերին:

Ծանոթացեք նաև այս հոդվածի հետ ուղղակիորեն կապված այլ նյութերի հետ:

Գիշերային հերթապահությունը պահանջում է, որ գիշերվա աշխատանքային ժամերն անցկացնեք արթուն վիճակում: Հերթապահած անձանց մեծ մասը գիշերային քնի պակասը լրացնում է հաջորդ օրը ցերեկային ժամերին քնելով կամ ննջելով:

Այլ կերպ ասած, եթե գիշերային հերթապահ եք, պետք է աշխատանքի բերումով արթուն մնաք այն ժամերին, երբ ձեր օրգանիզմը «պահանջում է» քնել և քնեք այն ժամերին, երբ ձեր ուղեղն ու մարմինը «ցանկանում են» աշխուժանալ:

Օրվա ռիթմի այսպիսի կտրուկ շրջադարձի պայմաններում աշխատող մարդկանց համար խիստ կարևոր է քնի այնպիսի սովորույթ ձևավորելը, որը թույլ կտա որոշ չափով մեղմացնել «քնի տեղափոխման» հնարավոր առողջական հետևանքները:

Եթե դուք գիշերային հերթապահող եք, դուք կարող եք նաև պահպանել մի շարք օգտակար կանոններ՝

  • գիշերային հերթապահությանը նախորդող ցերեկային ժամերին փորձեք ձեզ հեռու պահել հոգնեցնող գործերից և աշխատանքներից (հերթապահությունը ստանձնեք աշխույժ, այլ ոչ թե հոգնած վիճակում)
  • հնարավորության դեպքում փորձեք հերթապահությանը նախորդող ցերեկային ժամերին մի փոքր քնել
  • հերթապահության հաջորդ օրվա գործերը կազմակերպեք այնպես, որ կարողանաք գիշերային ժամերի անքուն ժամերը լրացնել ցերեկային բավարար քնով
  • խնդրեք ընտանիքի անդամներին, որ ցերեկային ժամերի ձեր «լրացնող» քունը տարբեր անհարկի առիթներով չխաթարվի (բարձր խոսակցություն, հեռուստացույցի բարձր ձայն, հեռախոսազանգեր և այլն):

Հոդվածը վերանայվել է՝ 14-01-2022