Առողջական խնդիրներ
Առնանդամի խնամք
1 րոպե
Սեռական օրգանների խնամքը ձեր ամենօրյա անձնական հիգիենայի մի մասն է, այնպես, ինչպես ձեռքերը լվանալը:
Զուտ մաքրության և հիգիենիկ նկատառումներից բացի, սեռական օրգանների խնամքը նաև կանխարգելում է մի շարք խնդիրների առաջացումը, ինչպիսիք են առնանդամի մաշկի գրգռվածությունը:
Իրականում, սեռական օրգանների խնամքը շատ բան չի պահանջում:
Պարզապես հետևեք այս խորհուրդներին՝
- ամեն օր նուրբ լվացեք ձեր առնանդամը գոլ ջրով, և, եթե պահանջվում է, ապա նաև զգայուն մաշկի համար նախատեսված օճառով
- առնանդամը լվանալուց ուշադրություն դարձրեք, որ ետ քաշեք ծայրային թլիպը և լվանաք նաև վերջինիս տակ թաքնված ծալքը
- հիշեք, որ առնանդամի գլխիկի լորձաթաղանթը և ծայրային թլիպը շատ զգայուն են, ուստի մի՛ օգտագործեք խոզանակ
- լվանալուց հետո սեռական օրգանները մաքուր սրբիչով նուրբ, բայց՝ լիարժեք չորացրեք
- ուշադրություն դարձրեք, որ ներքնազգեստը մշտապես լինի մաքուր
- հագեք միայն լավ արդուկած և չոր ներքնազգեստ
- ուշադրություն դարձրեք, որ միզելուց առաջ և հետո լավ լվանաք ձեր ձեռքերը:
Հոդվածը տեղադրվել է՝ 13-04-2018 վերանայվել է՝ 07-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
