Բացասական մտքերի հաղթահարում - Հոգեկան առողջություն

Երբ զգում եք տրամադրության անկում կամ ընկճված եք, կարող եք նկատել, որ կենտրոնացել եք ձեր կյանքի միայն բացասական երևույթների և իրադարձությունների վրա:

Սա կարող է նշանակել, որ դուք լցված եք տհաճ կամ բացասական մտքերով կամ զգացումներով, որն ուղեկցվում է խիստ ինքնաքննադատությամբ: Նման դեպքերում բոլոր լավ մտքերն անհետանում են, դառնում երկրորդային և ուղեղը պատվում է միայն տհաճ կարևոր մտքերով:

Ինչպե՞ս կարող եք հսկել բացասական մտքերը

Կան մի շարք մեթոդներ, որոնք կարող են ձեզ օգնել, որ հաղթահարեք տհաճ մտքերը: Ահա դրանցից մի քանիսը:

• Զրուցեք ձեր զգացումների մասին ձեր մոտիկ ընկերոջ կամ ընտանիքի անդամի հետ: Սեփական խնդիրների մասին մոտիկ մարդու հետ զրուցելը հաճախ օգնում է հասկանալու, որ դրանք այնքան էլ վատ չեն, որքան կարծում եք:
• Պահեք օրագիր և գրանցեք ձեր բոլոր մտքերն և զգացումները: Բոլոր, այլ ոչ թե՝ միայն բացասական:
• Փորձեք դիմակայել բացասական մտքերը: Արդյոք դրանք ճի՞շտ են: Ի՞նչ դրական բաներ կարող են տեղի ունենալ:
• Նպատակադրվեք այնպես, որ ցանկացած բացասական մտքին հակադրեք դրականը, տհաճին՝ հաճելին և անցանկալի զգացումներին՝ ցանկալիները:
• Մտծեք ձեզ երջանկություն, ուրախություն կամ հաճույք պատճառող բաների մասին: Կանոնավոր կերպով ձեր դրական մտքերը դարձրեք իրականություն:
• Դարձեք ֆիզիկապես ակտիվ և խուսափեք ալկոհոլի օգտագործումից: Ֆիզիկական զբաղմունքը ցրում է ընկճվածությունը, մինչդեռ ալկոհոլը համարվում է գլխուղեղն ընկճող հոգեներգործուն նյութ:

Եթե, այնուամենայնիվ, տհաճ ու անցանկանալի մտքերը սկսել են գերիշխել և իրենց բացասական ազդեցությունը թողնել ձեր առօրյա կյանքի, աշխատանքի կամ այլ մարդկանց հետ փոխհարաբերությունների վրա, այցելեք ձեր բժշկին կամ նրա խորհրդով՝ խորհրդատուին կամ հոգեկան առողջության մասնագետին: