Կան որոշ բաներ, որոնք կարող են օգնել ձմեռային ամիսներին ձեր լավ առողջության պահպանմանը: Դրանցից են գրիպի և COVID-19-ի դեմ պատվաստումները:
Գրիպի և COVID-19-ի դեմ պատվաստումներ
Կարևոր է ստանալ այս երկու պատվաստանյութերը, եթե ունեք ցուցումներ: Տարեկան պատվաստումները բարձրացնում են ձեր օրգանիզմի պաշտպանունակությունը և կրճատում են վարակվելու դեպքում ծանր ախտանիշների զարգացման ռիսկը:
Ո՞ւմ է ցուցված գրիպի և COVID-19-ի դեմ պատվաստումները
Ընտանեկան բժիշկը կարող է ձեզ առաջարկել գրիպի և COVID-19-ի դեմ պատվաստումներ, եթե դուք՝
- 65 տարեկան կամ ավելի մեծահասակ եք (ներառյալ՝ 2025թ. մարտի 31-ին 65 տարեկանը լրացածները)
- ունեք որոշակի առողջական խնդիրներ
- հղի եք
- ապրում եք մեծահասակների խնամքի կենտրոններում:
Խնամքի կենտրոնի այլ բնակիչները, նրանց խնամողները և թուլացած իմունային համակարգով անձանց հետ բնակվողները կարող են ստանալ գրիպի դեմ պատվաստումներ:
2-3 տարեկան և դպրոցական տարիքի երեխաներին նույնպես կարող է առաջարկվել գրիպի դեմ պատվաստում:
Առաջին գծի առողջապահական և սոցիալական աջակցության աշխատակիցները ևս կարող են ստանալ գրիպի և COVID-19-ի դեմ պատվաստումներ:
Եթե կարծում եք, որ կարիք ունեք ստանալու այս պատվաստումները, զրուցեք ձեր ընտանեկան բժշկի հետ:
Ովքե՞ր են առավել վտանգված ցուրտ եղանակին
Որոշ մարդիկ ավելի խոցելի են ցուրտ եղանակի ազդեցության նկատմամբ: Օրինակներից են՝
- 65 և ավելի բարձր տարիքի մարդիկ
- նորածիններ և մինչև 5 տարեկան երեխաներ
- ցածր եկամուտ ունեցող մարդիկ (ովքեր չեն կարող ապահովել կացարանի բավարար ջեռուցում)
- մարդիկ, ովքեր ունեն քրոնիկ առողջական խնդիրներ
- հաշմանդամություն ունեցող անձինք
- հղի կանայք
- հոգեկան առողջության հետ կապված խնդիրներ ունեցող մարդիկ:
Հոդվածը հրապարակվել է՝ 01-10-2025
Վերջին վերանայում՝ 01-10-2025