Խոլերա -

Խոլերան կրկնվող փորլուծությամբ ընթացող վարակային հիվանդություն է, որն արագորեն հանգեցնում է ծանր ջրազրկման։

Խոլերան սովորաբար հայտնաբերվում և բռնկվում է խմելու ջրով աղքատ և սանիտարահիգիենիկ ծառայություններ չունեցող տարածաշրջաններում։

Առողջ մարդը խոլերայով կարող է վարակվել խոլերայի բակտերիայով վարակված խմելու ջրով կամ մթերքներով։ Հիվանդությունն արագ տարածվում է հատկապես ոչ պատշաճ հիգիենայով շրջաններում։

Խոլերան կարող է ունենալ թեթև կամ սուր ընթացք։

Սուր և ծանր խոլերան սովորաբար ուղեկցվում է խիստ ջրիկ փորլուծությամբ, ստորին վերջույթների ջղաձգումներով և փսխումներով։ Հաճախ զարգանում են ծանր ջրազրկում և շոկ։

Անհետաձգելի բուժօգնություն, այդ թվում՝ ներերակային կաթիլային ինֆուզիոն բուժում չստանալու դեպքում խոլերան կարող է բերել մահվան ելքի։