Գրադարան
Մանկական անկղապահություն (էնկոպրես)
1 րոպե
Անկղապահությունը, որը երբեմն կոչվում է կեղտոտում, հագուստի մեջ կղանքի կրկնվող արձակումն է (սովորաբար՝ ակամա):
Սովորաբար դա տեղի է ունենում, երբ կղանքը հավաքվում է հաստ և ուղիղ աղիքներում: Հաստ աղիքը դառնում է չափազանց լցված, և հեղուկ կղանքն արտահոսում է պահված կղանքի կողքով՝ կեղտոտելով ներքնազգեստը: Ի վերջո, կղանքի պահպանումը կարող է առաջացնել աղիքների ձգում (լայնացում) և կղազատման շարժումների նկատմամբ վերահսկողության կորուստ:
Անկղապահությունը սովորաբար ի հայտ է գալիս 4 տարեկանից հետո, երբ երեխան արդեն սովորել է զուգարանից օգտվել: Շատ դեպքերում ակամա կեղտոտումը երկարատև փորկապության ախտանիշ է: Շատ ավելի հազվադեպ դա տեղի է ունենում առանց փորկապության և կարող է լինել հուզական խնդիրների հետևանք:
Անկղապահությունը կարող է հիասթափեցնող լինել ծնողների համար և ամոթալի լինել երեխայի համար: Այնուամենայնիվ, համբերությամբ և դրական խրախուսմամբ, կղանքի ակամա արձակման բուժումը սովորաբար հաջող է լինում:
Իմացե՛ք ավելին չափահասների մոտ անկղապահության մասին:
Հոդվածը տեղադրվել է՝ 03-05-2018 վերանայվել է՝ 01-07-2023 | Հիմնական աղբյուր՝ Evidence-Based Overviews
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
