Ախտանիշներ - Մանկական անկղապահություն

Անկղապահությունը կարող է դրսևորվել սկսած երեխայի ներքնաշորերի վրա կղանքի հետքերից և վերջացրած կղանքի մեծ զանգվածներով։

Կղանքի ակամա արձակման գանգատներն ու ախտանիշները կարող են ներառել հետևյալը`

• կղանքի կամ հեղուկ կղանքի արտահոսք ներքնազգեստի վրա, որը կարող է շփոթվել փորլուծության հետ
• փորկապություն՝ չոր, կոշտ կղանքով
• մեծ կղանքի արձակում, որը խցանում կամ գրեթե խցանում է զուգարանակոնքը
• աղիների դատարկումից խուսափելը
• աղիների դատարկումների միջև ընկած երկար ժամանակահատվածներ
• ախորժակի բացակայություն
• որովայնային ցավ
• անմիզապահություն (էնուրեզ)՝ ցերեկները տակը թրջվելու կամ անկողինը թրջվելու հետ կապված խնդիրներ
• միզապարկի կրկնվող վարակներ, հիմնականում՝ աղջիկների մոտ:

Ե՞րբ դիմել բժշկին

Զանգահարեք ձեր բժշկին, եթե ձեր երեխան արդեն սովորել է զուգարանից օգտվելը և սկսում է ունենալ վերը թվարկված ախտանիշներից մեկը կամ մի քանիսը: