Հոգեկան բարվոքության հինգ քայլերը -

Փաստերը վկայում են, որ կան 5 քայլեր, որոնք կարող եք ձեռնարկել ձեր հոգեկան առողջությունն ու բարեկեցությունը բարելավելու համար: Դրանք փորձելը կարող է օգնել ձեզ, որ ավելի դրական զգաք և կյանքից առավելագույն օգուտ քաղեք:

1. Կապվեք այլ մարդկանց հետ

Լավ փոխհարաբերությունները կարևոր են ձեր հոգեկան բարեկեցության համար: Սոցիալական կապերը՝

• օգնում են ձեզ, որ ձևավորեք պատկանելության և ինքնագնահատման զգացումներ
• հնարավորություն են տալիս, որ կիսվեք ձեր դրական փորձով այլ մարդկանց հետ
• տրամադրում են հուզական աջակցություն և այլ մարդկանց օգնելու հնարավորություն:

Կան բազմաթիվ ձևեր, որոնք կարող եք փորձել ավելի ամուր և սերտ փոխհարաբերություններ ստեղծելու համար:

2. Եղեք ֆիզիկապես ակտիվ

Ակտիվ լինելը ոչ միայն հիանալի միջոց է ձեր ֆիզիկական առողջության և մարզավիճակի համար: Փաստերը վկայում են որ այն նաև կարող է բարելավել ձեր հոգեկան բարեկեցությունը հետևյալ ուղիներով՝

• բարձրացնում է ձեր ինքնագնահատականը
• օգնում է, որ նպատակներ կամ խնդիրներ կազմեք և հասնեք դրանց
• ձեր գլխուղեղում առաջացնում է քիմիական փոփոխություններ, որոնք կարող են օգնել տրամադրության բարելավմանը:

3. Սովորեք նոր հմտություններ

Հետազոտությունները ցույց են տալիս, որ նոր հմտություններ սովորելը նույնպես կարող է բարելավել ձեր հոգեկան բարեկեցությունը հետևյալ միջոցներով՝

• խթանում է ձեր ինքնավստահությունը և բարելավում ինքնագնահատականը
• ձևավորում է նպատակի զգացում
• հնարավորություն է տալիս շփվելու և կապեր ստեղծելու այլ մարդկանց հետ:

Նույնիսկ եթե զգում եք, որ բավարար ժամանակ չունեք կամ գուցե նոր բաներ սովորելու կարիք չունեք, կան բազմաթիվ տարբեր եղանակներ՝ ուսուցումը ձեր առօրյա կյանք բերելու համար:

4. Տվեք ուրիշներին

Հետազոտությունները ցույց են տալիս, որ նվիրաբերության և բարության գործողությունները կարող են օգնել ձեր հոգեկան բարեկեցության բարելավմանը հետևյալ ձևով՝

• ստեղծում են դրական զգացմունքներ և պարգևատրման զգացում
• տալիս են նպատակասլացության և ինքնագնահատման զգացումներ
• օգնում են, որ կապեր ստեղծեք այլ մարդկանց հետ։

Դա կարող է լինել փոքր բարության դրսևորումներ այլ մարդկանց նկատմամբ, կամ ավելի մեծ գործողություններ, ինչպիսիք են ձեր համայնքում կամավոր միջոցառումներին մասնակցելը:

5. Ուշադրություն դարձրեք ներկա պահի վրա

Ներկա պահի վրա ավելի շատ ուշադրություն դարձնելը կարող է բարելավել ձեր հոգեկան բարեկեցությունը: Սա ներառում է ձեր մտքերն ու զգացմունքները, ձեր մարմինը և ձեզ շրջապատող աշխարհը:

Այս մեթոդը նաև կոչվում է «գիտակցվածություն»: Գիտակցվածությունը կարող է օգնել, որ ավելի շատ վայելեք կյանքը և ավելի լավ հասկանաք ինքներդ ձեզ: Այն կարող է դրականորեն փոխել ձեր վերաբերմունքը կյանքի և այն բանի նկատմամբ, թե ինչպես եք վերաբերվում առկա խնդիրներին:

Իմացե՛ք ավելին գիտակցվածության մասին: