Աճուկային շրջանի սաստիկ ցավերի և նույն շրջանում անշարժացած ուռածության դեպքում շտապ դիմեք մոտակա վիրաբուժական բաժանմունք։
Հակառակ դեպքում, եթե աճուկային ցավը կամ այտուցը շատ անհանգստացնող չէ, կարող եք ձեռնարկել ինքնօգնության որոշ քայլեր, որոնցից են՝
- խուսափեք կռանալուց կամ կքանիստ կատարելուց կամ կքանստած վիճակից կտրուկ բարձրանալուց
- խուսափեք ծանրություն բարձրացնելուց կամ ծանրություն պահելուց
- խուսափեք ֆիզիկական աշխատանք կատարելուց, նույնիսկ նստած վիճակում
- բարակ մաքուր սրբիչով փաթաթած և մինչև 20 րոպե ցավող աճուկին դրված սառցեպարկը կարող է մեղմացնել այտուցը և ցավերը
- խուսափեք այնպիսի ներքնաշորեր կամ հագուստ հագնելուց, որոնք կարող են սեղմել կամ ճնշել աճուկային շրջանները
- ցավերի դեպքում մինչև ցավազրկող ընդունելը խորհրդակցեք ձեր բժշկի հետ
- եթե աճուկային ուռածությունը դառնում է խիստ ցավոտ կամ «քարացած», այնպայման կապ հաստատեք ձեր բժշկի հետ կամ առանց ուշացնելու այցելեք մոտակա վիրաբուժական բաժանմունք։
Հոդվածը հրապարակվել է՝ 18-05-2018
Վերջին վերանայում՝ 23-04-2024