Պատճառներ - Հեպատոմեգալիա

Լյարդն օրգանիզմի ամենամեծ գեղձային օրգանն է, որը գտնվում է անմիջապես գտնվում է ստոծանու տակ՝ որովայնի վերին մասի աջ կողմում:

Լյարդի չափը տարբերվում է տարիքից, սեռից և մարմնի չափից: Բազմաթիվ հիվանդություններ և վիճակներ կարող են հանգեցնել դրա մեծացման, որը ծանր դեպքերում կարող է հանգեցնել լյարդի գործառույթի խանգարման:

Լյարդային հիվանդություններ

• Ցիռոզ
• հեպատիտներ՝ հարուցված վիրուսով, ներառայալ հեպատիտներ A, B և C կամ հարուցված վարակային մոնոնուկլեոզով
• լյարդի ոչ ալկոհոլային ճարպային հիվանդություն
• լյարդի ալկոհոլային ճարպային հիվանդություն
• խանգարում, որն առաջացնում է ձեր լյարդում ոչ նորմալ սպիտակուցի կուտակում (ամիլոիդոզ)
• գենետիկ խանգարում, որն առաջացնում է ձեր լյարդում պղնձի կուտակում (Վիլսոնի հիվանդություն)
• խանգարում, որն առաջացնում է ձեր լյարդում երկաթի կուտակում (հեմաքրոմատոզ)
• խանգարում, որը առաջացնում է ձեր լյարդում ճարպային նյութերի կուտակում (Գաուչերի հիվանդություն)
• լյարդում հեղուկով լցված գրպանների առաջացում (լյարդային կիստաներ)
• լյարդի ոչ քաղցկեղային ուռուցքներ, ինչպիսիք են հեմանգիոման և ադենոման
• լեղապարկի կամ լեղուղիների խցանում
• տոքսիկ հեպատիտ:

Քաղցկեղներ

• Քաղցկեղ, որը սկսվում է օրգանիզմի այլ շրջանում և տարածվում դեպի լյարդ
• լեյկոզ
• լյարդի քաղցկեղ
• լիմֆոմա:

Սրտային և արյունատար անոթային խնդիրներ

• Լյարդից արյունը հեռացնող երակների խցանում (Բադ-Խիարիի համախտանիշ)
• սրտային անբավարարություն
• սիրտը շրջապատող հյուսվածքային թաղանթի՝ սրտապարկի բորբոքում (պերիկարդիտ):

Ռիսկի գործոններ

Ձեզ մոտ ավելի հավանական է, որ զարգացնա լյարդի մեծացում, եթե ունեք լյարդային հիվանդություն: Գործոնները, որոնք կարող են մեծացնել լյարդի հետ կապված խնդիրների ռիսկը, ներառում են հետևյալը:

• Ալկոհոլի չափից ավելի օգտագործում. մեծ քանակությամբ ալկոհոլ օգտագործելը կարող է վնասել ձեր լյարդը:
• Դեղերի, վիտամինների կամ հավելումների մեծ դեղաչափեր. վիտամինների, հավելումների կամ առանց դեղատոմսի կամ դեղատոմսով դեղերի առաջարկվածից ավելի մեծ դեղաչափեր ընդունելը կարող է մեծացնել լյարդի վնասման ռիսկը: Ացետամինոֆենի (Պարացետամոլ, Թայլենոլ և այլն) գերդոզավորումը ԱՄՆ-ում սուր լյարդային անբավարարության ամենատարածված պատճառն է: Բացի այն, որ հանդիսանում է դեղատոմս չպահանջող ցավազրկողների բաղադրիչ, ինչպիսին է Թայլենոլը, Ացետամինոֆեն առկա է ավելի քան 600 պատրաստուկներում՝ ինչպես դեղատոմս չպահանջող, այնպես էլ դեղատոմսով դուրս գրվող: Իմացեք, թե ինչ կա ձեր ընդունած դեղերի մեջ: Կարդացեք պիտակները: Փնտրեք «Ացետամինոֆեն», «Ացետամ» կամ «APAP»: Ստուգեք ձեր բժշկի հետ, եթե վստահ չեք, թե ինչ է չափազանց մեծ դեղաչափ:
• Բուսական հավելումներ. որոշ հավելումներ, ներառյալ սև կոխոշը, մա հուանգը և կատվախոտը (վալերիան), կարող են մեծացնել լյարդի վնասման ռիսկը:
• Վարակներ. վարակային հիվանդությունները՝ վիրուսային, բակտերիալ կամ մակաբուծական, կարող են մեծացնել լյարդի վնասման վտանգը:
• Հեպատիտի վիրուսներ. հեպատիտներ A, B և C–ն կարող է հանգեցնել լյարդի վնասման:
• Վատ սնման սովորույթներ. ավելորդ քաշը մեծացնում է լյարդային հիվանդության ռիսկը: Նույնը վերաբերվում է անառողջ մթերքների օգտագործմանը, ինչպիսիք են ավելորդ ճարպը կամ շաքարը: