Պատճառներ - Ոջլոտություն

Ոջիլները սնվում են մարդու արյունով և կարող են հայտնաբերվել մարդու գլխի, մարմնի և ցայլքի՝ սեռական շրջանում:

Էգ ոջիլն արտադրում է կպչուն նյութ, որը յուրաքանչյուր ձվիկը (անիծ) ամուր կպցնում է մազի ցողունի հիմքին։ Ձվիկներից թրթրուրները դուրս են գալիս 6-ից 9 օրվա ընթացքում:

Դուք կարող եք ոջիլներ վերցնել՝ շփվելով ոջիլների կամ դրանց կենդանի ձվերի հետ: Ոջիլը չի կարող ցատկել կամ թռչել: Ոջլոտությունը տարածվում են հետևյալի ուղիներով:

• Գլուխ-գլուխ կամ մարմին-մարմին շփում. սա տեղ է գտնում, երբ երեխաները կամ ընտանիքի անդամները խաղում են կամ սերտորեն շփվում են միմյանց հետ:
• Սերտորեն պահված իրերը. դպրոցում ոջիլներ ունեցող հագուստները դարակներում, պահարաններում կամ կողք-կողքի կեռիկների վրա պահելը կարող է ոջիլներ տարածել: Ոջիլները կարող են տարածվել նաև անձնական իրերով, ինչպիսիք են բարձերը, վերմակները, սանրերը և փափուկ խաղալիքները միասին պահելիս:
• Իրեր, որոնք համատեղ օգտագործվում են ընկերների կամ ընտանիքի անդամների կողմից. դրանք կարող են ներառել հագուստ, ականջակալներ, խոզանակներ, սանրեր, մազերի պարագաներ, սրբիչներ, վերմակներ, բարձեր և փափուկ խաղալիքներ:
• Շփում գույքի հետ, որի վրա ոջիլներ կան. մահճակալի վրա պառկելը կամ փափուկ, կտորով ծածկված բազմոցին կամ բազկաթոռին նստելը, որը վերջերս օգտագործվել է ոջիլ ունեցողների կողմից, կարող է տարածել դրանք: Ողջիլները կարող են մարդու օրգանիզմից դուրս ապրել 1-ից 2 օր:
• Սեռական շփում. ցայլքի ոջիլները սովորաբար տարածվում են սեռական շփման միջոցով: Դրանք առավել հաճախ հանդիպում են չափահասների մոտ: Երեխաների մոտ հայտնաբերված ցայլոջիլները կարող են լինել սեռական բռնության նշան: