Գրադարան

Ոջլոտություն. ախտորոշում

Ոջլոտություն. ախտորոշում

Time Read 1 րոպե

Ֆիզիկական քննության (բուժզննման) ժամանակ բժիշկը կարող է օգտագործել խոշորացույց՝ ոջիլներ փնտրելու համար:

Բժիշկը նաև կարող է օգտագործել հատուկ լույս, որը կոչվում է Վուդի լամպ, որ ստուգի ձվիկների (անիծների) առկայությունը: Այս լույսը հեշտացնում է գտնել անիծները՝ դրանք դարձնելով բաց կապույտ:

Գլխի ոջիլներ

Բժիշկը կարող է ախտորոշել գլխի ոջիլը մարդու մազերի կամ գլխամաշկի վրա կենդանի երիտասարդ կամ չափահաս ոջիլ հայտնաբերելուց հետո, կամ մազերի ցողունների վրա մեկ կամ մի քանի անիծ տեսնելով, որոնք հայտնաբերվել են գլխամաշկից մինչև 6 միլիմետր հեռավորության վրա:

Հագուստի ոջիլներ

Բժիշկը կարող է ախտորոշել հագուստի ոջիլներ, եթե հագուստի կարերում կամ անկողնային պարագաներում գտնի անիծներ կամ սողացող ոջիլներ: Դուք կարող եք տեսնել հատուստի ոջիլը մաշկի վրա, եթե այն սողում է այնտեղ արյունով կերակրվելու համար:

Ցայլքի ոջիլներ

Բժիշկը կարող է ախտորոշել ցայլքի ոջիլներ, երբ տեսնում է շարժվող ոջիլներ կամ անիծներ ցայլքի շրջանի մազերի կամ այլ կոշտ մազերի վրա, ինչպիսիք են կրծքավանդակի մազերը, հոնքերը կամ թարթիչները:

Հոդվածը տեղադրվել է՝ 04-05-2023 վերանայվել է՝ 05-05-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով