Գրադարան
Ոջլոտություն. ախտանիշներ
1 րոպե
Ոջլոտության ընդհանուր գանգատներն ու ախտանիշները ներառում են հետևյալը:
- Ուժեղ քոր գլխի, մարմնի կամ սեռական օրգանների շրջանում:
- Մազերի շարժումից թրթռացող զգացում:
- Գլխամաշկի, մարմնի, հագուստի, սեռական կամ մարմնի այլ մազերի վրա ոջիլների առկայություն. հասուն ոջիլները կարող են լինել մոտավորապես քնջութի (кунжут) սերմի չափ կամ մի փոքր ավելի մեծ:
- Մազերի ցողունների վրա ոջիլների ձվիկեր (անիծներ). դրանք կարող են լինել դժվար տեսանելի, քանի որ շատ փոքր են: Ամենահեշտը նկատվում են ականջների և պարանոցի շուրջը: Անիծները կարող են շփոթվել թեփի հետ, սակայն, ի տարբերություն թեփի, դրանք մազերից հեշտությամբ չեն մաքրվում:
- Խոցեր գլխամաշկի, պարանոցի և ուսերի վրա. ուժեղ քորելը կարող է հանգեցնել փոքր կարմիր բշտիկների, որոնք երբեմն կարող են վարակվել բակտերիայով:
- Խայթոցի հետքեր, հատկապես գոտկատեղի, աճուկի, ազդրերի վերին հատվածում և ցայլքի՝ սեռական շրջանում:
Ե՞րբ դիմել բժշկին
Դիմեք ձեր բժշկին, եթե կասկածում եք, որ դուք կամ ձեր երեխան ոջիլ ունեք: Այն բաները, որոնք հաճախ շփոթվում են անիծների հետ, ներառում են՝
- թեփ
- մազերի արտադրանքների, օրինակ՝ օճառի մնացուկներ
- մազերի ցողունների վրա մահացած մազի մնացուկներ
- կեղևներ, կեղտ կամ այլ մնացուկներ
- մազերի մեջ առկա այլ փոքր միջատներ:
Հոդվածը տեղադրվել է՝ 04-05-2023 վերանայվել է՝ 04-05-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
