Գրադարան
Ձվազատման ցավեր. պատճառներ
1 րոպե
Ձվազատման ցավը կամ միտելշմերցն առաջանում է ձվազատման (օվուլյացիայի) ժամանակ, երբ ձվարանի բշտիկը (ֆոլիկուլը) պատռվում է և ազատում ձվաբջիջ:
Որոշ կանայք ամեն ամիս դաշտանային ցիկլի մեջտեղում ունենում են ցավեր, մյուսներն ունենում են միայն երբեմն: Եվ, կան կանայք, ովքեր ընդհանրապես իրենց ձվազատումը չեն զգում, և դա նույնպես նորմալ է:
Ձվազատման ցավի կամ համախտանիշի ճշգրիտ պատճառը անհայտ է, սակայն ցավի հնարավոր պատճառները կարող են ներկայացնել հետևյալը:
- Ձվազատման ընթացքում ձվաբջջի արձակումից անմիջապես առաջ ֆոլիկուլային աճը ձգում է ձեր ձվարանների մակերեսը՝ առաջացնելով ցավ:
- Պատռված ֆոլիկուլից հոսող արյունը կամ հեղուկը գրգռում է որովայնի խոռոչը ծածկող լորձաթաղանթը (որովայնամիզ), որն էլ հանգեցնում է ցավի:
Ձեր դաշտանային ցիկլի ցանկացած այլ ժամանակային կետում առաջացող ցավը ձվազատման ցավ չէ: Դա կարող է լինել սովորական դաշտանային ցավ (դիսմենորեա), եթե առաջանում է ձեր դաշտանի ընթացքում կամ որովայնի կամ կոնքի այլ խնդիրներից ծագող ցավ: Եթե ունեք ուժեղ ցավ, դիմեք ձեր բժշկին:
Հոդվածը տեղադրվել է՝ 31-05-2023 վերանայվել է՝ 31-05-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
